Pavieł Łatuška — pra admovu prachodzić palihraf i samy darahi kaścium
U vialikaj razmovie «Tok» palityk Pavieł Łatuška patłumačyŭ, čamu admoviŭsia prachodzić palihraf, i raspavioŭ pra svoj styl u adzieńni.
Admova ad prachodžańnia palihrafa źviazanaja z tym, što palityk nie vieryć tamu, chto budzie pravodzić hetuju pravierku.
Jon sumniavajecca, što infarmacyja, jakaja budzie pradstaŭlenaja ŭ jaje chodzie, zastaniecca tam, dzie jana pavinna być. Ale Łatuška paabiacaŭ prajści palihraf paśla viartańnia ŭ Biełaruś, kali heta budzie patrebna.
Adnosna stylu palityk adznačyŭ, što adzieńnie pavinna adpaviadać statusu dypłamata. Jon zhadaŭ vypadak, kali tahačasny ministr zamiežnych spravaŭ Martynaŭ byŭ za miažoj na pieramovach. U adnaho ŭdzielnika biełaruskaj delehacyi byli žoŭtyja boty. Pa viartańni ŭ Minsk ministr vydaŭ rasparadžeńnie ab styli supracoŭnikaŭ biełaruskaha MZS.
Niepasredna Łatuška zrabiŭ zaŭvahu svajmu namieśniku, jaki viečaram lubiŭ chadzić u śvietłym kaściumie. Nielha ŭ takim vyhladzie iści na pryjom, a tym bolš na aficyjnuju viačeru.
Praŭda, pa nazirańniach palityka, ciapier u Francyi da hetaha dypłamaty stali adnosicca spakojna. Naprykład, u žniŭni, kali ŭsie ŭ adpačynkach, jany mohuć nie nasić halštukaŭ. A voś pra Łatušku žartavali, što jon śpić u halštuku.
Svaje harnitury palityk zaŭsiody kuplaŭ sa źnižkami ŭ kramie Vistula. Prykładny košt — 500-600 jeŭra. Kali byŭ pryjom ad imia prezidenta ŭ Polščy ci Francy (samy hałoŭny, napiaredadni Novaha hoda), to treba było nadziavać smokinh. A napiaredadni pryjomu z nahody Dnia niezaležnaści Biełarusi Łatuška zaŭsiody nabyvaŭ novy kaścium. «Heta nie značyć, što tolki adzin na hod, — udakładniŭ palityk. — Kaliści ich było 14-15».
Hladzicie całkam:
Kubrakoŭ davodziŭ, što milicyjant Zhirski nie datyčny da bandy nalotčykaŭ. Ciapier taho sudziać — pahražaje da 20 hadoŭ1
Kamientary
a jon dypłamat? jak na moj pohlad, to tut - youtube.com/watch?v=X6R1psNfHak - dalnaboi vyhladajuć bolš intelihientna i pavodziać siabie dypłamatyčna ŭ adroźnieńnie ad... *opnika