U centry akupavanaha rasijskimi vojskami Mielitopala Zaparožskaj vobłaści prahrymieŭ mocny vybuch. Byŭ padarvany aŭtamabil miascovaha kałabaranta Ivana Tkača, jaki arhanizoŭvaŭ pieravozku najmitaŭ «Vahniera» i US RF da linii frontu ŭ Zaparožskaj vobłaści, paviedamlaje «Ukrainskaja praŭda». Sam Tkač zahinuŭ pry vybuchu.
Vybuch adbyŭsia ŭ dvary žyłoha dzieviacipaviarchovika i spačatku ŚMI paviedamlali, što zabity byŭ niejki «čynoŭnik». Što heta za čynoŭnik, nazyvalisia roznyja viersii.
Urešcie krynicy «Ukrainskaj praŭdy» ŭ SBU paviedamili, što havorka idzie pra Ivana Tkača, jakoha z pačatku vieraśnia 2022 hoda akupanty pryznačyli na pasadu dyrektara «municypalnaha ŭnitarnaha pradpryjemstva «Haradski transpart» vajskova-cyvilnaj administracyi horada Mielitopal».
U SBU taksama raskazali, što z pačatku sakavika 2022 hoda, to-bok z samaha pačatku vajny Tkač inicyjatyŭna zaniaŭsia arhanizacyjaj haradskich pasažyrskich pieravozak. Jon naładziŭ transpartnyja znosiny z Krymam, Danieckaj i Łuhanskaj abłaściami, pra što adkryta paviedamlaŭ u prapahandysckich videa. Pry hetym jon taksama zajmaŭsia arhanizacyjaj pieramiaščeńnia asabovaha składu US RF z Danieckaj, Chiersonskaj abłaściej i Kryma ŭ Zaparožskuju vobłaść i nazad.
-
60-hadovy mužčyna, jaki ŭ 2020-m naziraŭ za vybarami z taburetki praź binokl, paśla advajavaŭ dva hady va Ukrainie
-
Jak ukrainskija inžyniery pieratvaryli lohki samalot va ŭdarny bieśpiłotnik, što moža dalatać da Maskvy
-
«Pucin śviadoma abraŭ Kalady dla napadu». Rasija naniesła čarhovy masiravany ŭdar pa enierhietycy Ukrainy
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary