Sakratar Rady nacyjanalnaj biaśpieki i abarony Ukrainy: Bachmut dla nas źjaŭlajecca klučavym punktam
Alaksiej Daniłaŭ u intervju adznačyŭ, što abarona Bachmuta na danieckim napramku ciapier maje klučavoje značeńnie, a kali situacyja źmienicca, rašeńnie budzie prymać Staŭka viarchoŭnaha hałoŭnakamandujučaha.
«Słovazłučeńnie «ŭtrymać Bachmut» maje čysta vajennaje značeńnie. U nas adbyłosia pasiadžeńnie Staŭki viarchoŭnaha hałoŭnakamandujučaha, i jašče raz było paćvierdžana i hałoŭnakamandujučym Załužnym, i hienierałam Syrskim, i ŭsimi prysutnymi, što Bachmut dla nas vielmi važny, klučavy punkt.
My razumiejem, što heta kahości razdražniaje, niechta ličyć, što my pavinny sastupić. Ale heta našaja ziamla, i my nie majem prava jaje nie abaraniać.
Kali ž našymi vajskoŭcami buduć pryniaty tyja ci inšyja rašeńni, to jany buduć prahavorany ŭ Staŭcy, tady budziem prymać tyja ci inšyja miery», — skazaŭ Daniłaŭ.
Kamientary