«Rašeńnie było absalutna impulsiŭnym». Lavon Volski raskazaŭ, jak raźbiŭ na kancercie hitaru
Učorašni kancert Lavona Volskaha ŭ Vilni skončyŭsia niečakana — padčas «Troch čarapach» muzyka raźbiŭ ab scenu svaju hitaru. Vyhladała, što ŭčynak šakavaŭ navat niekatorych jaho kaleh pa cechu.
Muzyka z hurtom Volski vystupaŭ z trochhadzinnym kancertam da Dnia Voli ŭ kłubie Loftas. U kamientary dla «Našaj Nivy» Lavon Volski adznačyŭ, što im «było istotna syhrać hety kancert mienavita ŭ Vilni». Da jaho zadoŭha rychtavalisia.
«Ź Vilniaj źviazanyja i prajekt VOLSKI, i «Krambambula», dy naohuł, prezientacyja zabaronienaha alboma «Drabadzi-Drabada» adbyłasia ŭ Vilni ŭ 2012 hodzie, a prajekt VOLSKI ułasna ŭ Vilni i prezientavaŭ albomam «Hramadaznaŭstva», tamu adznačyć 105-ju hadavinu BNR tut było važna, što atrymałasia, liču, vielmi paśpiachova. Nie biez drobnych chibaŭ, ale zaŭsiody, kaniešnie, jość, što palepšyć», — skazaŭ muzyka.
Na pytańnie, ci spadabaŭsia jon samamu sabie, adkazaŭ:
«Da kanca ja sabie nikoli nie padabajusia i liču, što zaŭsiody možna voś toje i toje zrabić lepiej, da čaho i imknusia».
«Nakont raźbitaj hitary padčas vykanańnia pieśni «Try čarapachi», — dadaŭ muzyka. — To hitara była samaja zvyčajnaja, a rašeńnie jaje raźbić — absalutna impulsiŭnym».
Učynak Volskaha, zdajecca, ździviŭ navat džaźmiena Paŭła Arakielana, jaki na kancercie byŭ zaprošanym hościem.
Siońnia Volski sa svajoj kamandaj vypraviŭsia ŭ Hdańsk, dzie padmienić Marharytu Laŭčuk, bo jana časova nie moža śpiavać. Darohaju ŭ mašynie muzyki skončyłasia paliva, ale historyja skončyłasia chepi-endam.
«Jechali my, jechali i źnianacku na aŭtabanie pad Suvałkami zahłuchli. Paliva było niašmat (akurat chacieli zapraŭlacca), ale kampjutar pakazvaŭ, što chapaje na 100 km. I voś staim my takija na ŭzbočynie, pobač pranosiacca strašnyja fury…» — napisaŭ Volski ŭ fejsbuku.
Čakajučy vyratavalny evakuatar, kamanda ŭźniałasia na pahorak i stała śviatkavać Dzień Voli, śpiavajučy patryjatyčnyja chity.
«Na hetyja pazityŭnyja huki pryjechaŭ evakuatar, zavioz nas na zapraŭku, my zalili poŭny bak, zavialisia i pajechali. Voś što Dzień Voli žyvatvorny robić!» — supakojvaje Lavon Volski.
«Naša Niva» — bastyjon biełaruščyny
PADTRYMAĆ
Ciapier čytajuć
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary
nie umieješ pukať, tak nie mučaj popu