Bijołahi z Tel-Aviŭskaha ŭniviersiteta vyjavili, što tamaty i tytuń u stanie stresu vydajuć peŭnyja huki. Aŭtary daśledavańnia pastavili kala ich ultrahukavyja mikrafony, i toje, što zafiksavała aparatura, nazvali «sadavodčaj ikaŭkaj».
Akazałasia, što raśliny, jakija adčuvajuć smahu, vydajuć kala 35 takich pstryčak za hadzinu. A tyja, jakich padrazali kala ściabła, šumieli jašče bolš.
Čałaviek hetyja huki nie čuje — jany zanadta vysokija. Ale sabaki, myšy-paloŭki ci matylki mohuć ich adčuć na adlehłaści da 5 m.
«Heta adkryvaje mahčymaści dla razumieńnia raślin i moža akazać značny ŭpłyŭ na sielskuju haspadarku», — pišuć aŭtary.
Stvorany ałharytm užo ŭmieje paznavać raśliny «pa hołasie» i adčuvaje roźnicu pamiž pstryčkami tamata i tytuniu.
Pa słovach bijołahaŭ, pakul rana śćviardžać, što raśliny «kryčać abo prosiać dapamohi». Viadoma tolki, što heta infarmatyŭnyja huki. Jak mienavita jany robiacca, pakul niezrazumieła — mahčyma, heta burbałki ŭ tkankach raślin ci niešta nakštałt «rypieńnia sustavaŭ».
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ30
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Kamientary