Čyje žyćci ratujuć daktary ŭ Rasii? Hetaje pytańnie vyklikała bataliju ŭ rasijskim fejsbuku
Post viadomaha doktara ŭ fejsbuku vyklikaŭ chvalu supraćlehłych kamientaryjaŭ. Šum pačaŭsia, kali dałučyłasia žonka Andreja Makareviča.
Viadomy rasijski doktar-niejrachirurh, a jašče paet, błohier i džazavy muzykant Alaksiej Kaščejeŭ maje ŭ fejsbuku bolš za 27 tysiač padpisčykaŭ. Dzień tamu paśla doŭhaha maŭčańnia jon napisaŭ novy post, u jakim patłumačyŭ pryčynu svajoj doŭhaj adsutnaści. Kaščejeŭ spasłaŭsia na zaniataść (za minuły hod pravioŭ 1286 apieracyj), adnak taksama adznačyŭ:
«Padmanvać — nie chočacca, havaryć praŭdu — nielha». I dadaŭ zdymak svaich katoŭ.
Post nie zastaŭsia pa-za ŭvahaj. Za dzień jon nabraŭ zvyš 800 kamientaryjaŭ.
Spačatku z krytykaj pazicyi Kaščejeva vystupiŭ jaho kaleha Andrej Vałna, jaki emihravaŭ u Estoniju:
«Havaryć praŭdu možna i nieabchodna zaŭsiody. Praŭda, časta z nastupstvami. Jak dla mianie. Ale heta nie apraŭdvaje vašu piersanalnuju bajaźlivaść. Pamiž vašaj pazicyjaj i pazicyjaj tych, chto padtrymlivaje vajnu, niama roźnicy».
Praź niekatory čas kamientaryj pakinuła žonka Andreja Makareviča Ejnat Klajn. Jana zadała pytańnie, ci kaštuje vyratavańnie žyćcia asabistaj emihracyi i čyje mienavita žyćci ratuje siońnia doktar u Rasii. Zabojcaŭ? Ich dziaciej? Ich maci?
Taki kamientaryj nie zastaŭsia niezaŭvažnym i razyšoŭsia pa internecie. Praź niekatory čas jon byŭ vydaleny.
Čytajcie jašče:
Płastyčnamu chirurhu Alaksieju Dužamu dadali novyja sutki za kratami
Kamientary
Mało li o čiem pravdu pisať nielzia.