Arhanizatar moładzievaha letnika pad Biełaaziorskam Juraś Hubarevič asudžany na 10 sutak
8 žniŭnia sud Biarozaŭskaha rajonu asudziŭ arhanizatara letnika «Ruch dobraj voli», kiraŭnika Bieraściejskaj abłasnoj arhanizacyi Partyi BNF Jurasia Hubareviča na 10 sutak administracyjnaha aryštu. Pryčyna -- vykarystańnie niezarehistravanaj symboliki.
8 žniŭnia sud Biarozaŭskaha rajonu asudziŭ arhanizatara letnika «Ruch dobraj voli», kiraŭnika Bieraściejskaj abłasnoj arhanizacyi Partyi BNF Jurasia Hubareviča na 10 sutak administracyjnaha aryštu. Pryčyna -- vykarystańnie niezarehistravanaj symboliki.
Letnik «Ruch dobraj voli» prachodziŭ 3--6 žniŭnia. Kala piaci dziasiatkaŭ chłopcaŭ i dziaŭčat z roznych partyjaŭ i arhanizacyj zładzili vandroŭku pa malaŭničych miaścinach Biełaaziorščyny (Biarozaŭski rajon). La adnaho z azioraŭ jany i pastavili namioty.
«Meta vandroŭki – infarmavańnie navakolnaha nasielnictva pra sytuacyju ŭ krainie (my raspaŭsiudzili 1000 asobnikaŭ hazety "Hazeta dla vas") i dobraŭparadkavańnie miaścin Biełaaziorščyny», -- patłumačyŭ sens letnika Juraś Hubarevič žurnalistam i cikaŭnym.
Pierad udzielnikami letnika vystupiŭ bard Źmicier Bartosik i hurt «Parason», byli naładžanyja roznyja spartovyja spabornictvy mi siabroŭskija viečaryny.
Milicyja imknułasia pieraškodzić udzielnikam letnika. Praź dzień u jahonych udzielnikaŭ byli pierapisanyja pašpartnyja źviestki, nie puścili ŭ letnik moładź BNF, što chacieła dałučycca da vandroŭnikaŭ.
Jurasia Hubareviča zatrymali ŭ subotu 5 žniŭnia i advieźli ŭ sud. Ale tam jon zapatrabavaŭ advakata, i razhlad spravy pieranieśli na 8 žniŭnia. «Ja dumaju, što jany prosta chacieli pasadzić mianie na paru sutak», -- vykazaŭ tady žurnalistam zdahadku Juraś Hubarevič. Jon pamyliŭsia – sud admieraŭ 10 sutak. Pra heta nam paviedamili raschvalavanaja žonka Jurasia. Kali my zatelefanavali, jana rychtavała mužu pieradaču.
Ciapier čytajuć
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju20
Kamientary