U Padmaskoŭi vykryli radyjoamatara, jaki naładziŭ viaščańnie «Radyjo Svaboda». Jamu pahražaje «kryminałka»
U Padmaskoŭi «vyličyli» radyjoamatara, jaki naładziŭ samatužnaje viaščańnie zabłakavanaha ŭ Rasii «Radyjo Svaboda», paviedamlaje UFSB pa Maskvie i Maskoŭskaj vobłaści.
«Prypynienaja supraćpraŭnaja dziejnaść hramadzianina RF, jaki arhanizavaŭ niezakonnaje radyjoviaščańnie kantentu ŚMI, uklučanych u Rejestr zamiežnych ahientaŭ, na terytoryi Maskoŭskaha rehijona. <…> Pravaparušalnik vyrabiŭ samatužnym sposabam viaščalny radyjopieradatčyk i, nie majučy adpaviednaha dazvołu, arhanizavaŭ u horadzie Lubiercy pieryjadyčnaje radyjoviaščańnie «Radyjo Svaboda», dostup da jakoha abmiežavany na padstavie patrabavańnia Hienprakuratury», — havorycca ŭ paviedamleńni.
Pravadnik «varožaha hołasu» pryznany vinavatym u administracyjnym pravaparušeńni pa artykule ab «parušeńni patrabavańniaŭ da vykarystańnia radyjočastotnaha śpiektra», taksama vyrašajecca pytańnie ab uzbudžeńni kryminalnaj spravy ab raspaŭsiudžvańni fejkaŭ ab US RF, jakija ŭdzielničajuć u vajnie va Ukrainie.
Udava aktyvista Maksima Čarniaŭskaha raskazała pra jaho pakuty pierad suicydam5
Kamientary