«Navošta?» Prapahandysty pryznalisia, što stamilisia apraŭdvać raźmiaščeńnie jadziernaj zbroi ŭ Biełarusi
Da takoj vysnovy pryjšli hości pieradačy «Kłub redaktaraŭ» na BT, dzie zvyčajna źbirajucca kiraŭniki dziaržaŭnych miedyja.
Adnoj z tem pieradačy było raźmiaščeńnie ŭ Biełarusi taktyčnaj jadziernaj zbroi.
«My sapraŭdy ciapier šmat raskazvajem: pavinny, nie pavinny, čamu my heta robim. Navošta? My pavinny tolki sabie i svajmu narodu. My pavinny zrabić usio, kab naša kraina zastavałasia suvierennaj i niezaležnaj», — vykazałasia kiraŭnica Biełaruskaha sajuza žančyn i dyrektarka telekanała «Mir» Volha Špileŭskaja.
Jak arhumient u apraŭdańnie jana pryviała toje, što ZŠA raźmiaščajuć jadziernuju zbroju na bazach u Jeŭropie.
«U nas dakładna nie pytalisia», — pakivali hałovami inšyja prapahandysty ŭ studyi, padtrymlivajučy dumku.
Nahadajem, 25 sakavika Uładzimir Pucin abjaviŭ, što da 1 lipienia ŭ Biełarusi skončać budaŭnictva schovišča dla taktyčnaj jadziernaj zbroi. Padčas pasłańnia parłamientu i narodu Alaksandr Łukašenka zajaviŭ, što mienavita ź jahonaj inicyjatyvy jadziernaja zbroja viartajecca ŭ Biełaruś. Śviatłana Cichanoŭskaja abmierkavała heta pytańnie padčas vizitu ŭ ZŠA z daradcam pa nacyjanalnaj biaśpiecy Džejkam Salivanam.
Cichanoŭskaja ŭźniała pytańnie jadziernaj zbroi ŭ Biełarusi na sustrečy z Salivanam
-
«Ničoha nie zdarycca z maimi dziećmi, kali jany nie pračytajuć Barto, Maršaka, Čukoŭskaha». Hutarka sa stvaralnicaj błohu «Knižnyja razmovy»
-
«Interjery z Pinterest» i «ceny jak u Vieniecyi». U Hrodnie na miescy źniesienaha histaryčnaha budynka adkryli daraženny bucik-hatel
-
«Mianie vielmi mocna niepakoić, čyjo jano». Historyja biełarusa, jakomu ŭ Polščy pierasadzili novaje serca
Ad BNF da HRU. Chto takaja Natalla Sudlankova, jakoj čechi zahadali pakinuć krainu27
Kamientary