Polski dypłamat: My chočam novych sankcyj suprać Biełarusi, ale nie koštam skasavańnia raniej pryniatych
Pasoł Polščy pra Jeŭrasajuzie Andžej Sadaś raskazaŭ, što pytańnie ŭviadzieńnia novych sankcyj suprać Biełarusi sutykajecca ź niemałym supracivam, źviazanym z pytańniem kalijnych uhnajeńniaŭ.
Polski dypłamat abvinavaciŭ u pasiŭnaści Šviecyju, jakaja ciapierašnija paŭhoda staršyniuje ŭ Jeŭrasajuzie, choć mienavita na jaje Polšča i krainy Bałtyi ŭskładali vialikija spadziavańni:
«Šviedy praktyčna ničoha z hetym nie robiać. My raźličvali na toje, što šviedskaje staršynstva va ŭschodnim kirunku budzie bolš ambicyjnym. Na žal, heta nie spraŭdziłasia. My byli vielmi rasčaravanyja adsutnaściu ambicyj u płanie sankcyj suprać Biełarusi, tak patrebnych z uvahi na pieraśled apazicyi ŭ hetaj krainie, zaanhažavańnie ŭ vajnu na baku Rasii i płany raźmiaščeńnia na jaje terytoryi jadziernaj zbroi», — zajaviŭ Sadaś.
Sankcyi suprać biełaruskaha režymu taksama, pavodle Polskaha pres-ahienctva (RAR), błakuje i šerah inšych krain Zachodniaj Jeŭropy, jakija nastojvajuć na pasłableńni abmiežavańniaŭ, što tyčacca ekspartu biełaruskich uhnajeńniaŭ.
«My nie zhodnyja z tym, što sinchranizacyja biełaruskich sankcyj z rasijskimi aznačaje źniaćcie abmiežavańniaŭ z asnoŭnaha ekspartnaha praduktu, jakim źjaŭlajecca biełaruski kalij. My chočam novych sankcyj, ale nie koštam skasavańnia raniej pryniatych», — dadaŭ Sadaś.
Čytajcie taksama:
AAN niezadavolenaja Litvoj, što nie daje vazić biełaruski kalij
Litoŭski biznesmien pakajaŭsia, što dapamahaŭ «Hrodna Azotu» abychodzić sankcyi
AAN i Brazilija praz Partuhaliju łabirujuć vyvad Huceryjeva i Hałavataha z-pad sankcyj
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1212
Kamientary
čio?
a spadarstva ŭvohule ŭ kursie, što tak zvanaja iržavaja truba tolki ŭ polšu praciahnuta była...
Polša, s očieriednym čiernym kopčienym bieljem tiebia!)