Biełaruskaja paetka vyrabiła 100 ružancaŭ, kab «skončyłasia vajna»
Biełaruskaja žurnalistka, paetka, pierakładčyca Sabina Bryło na druhi dzień Vialikadnia zaviaršyła vyrab 100 ružancaŭ, paviedamlaje katolik.life.
Zastałosia zrabić «siem kantrolnych» i dapracavać niekatoryja vyraby. A bolšaść ružancaŭ jana padaryła ludziam, jakija pieražyvali ciažkaści. Nahadajem, amal hod tamu chryścijanskaja viernica zrabiła dla siabie niezvyčajnuju pastanovu: jana pačała stvarać aŭtarskija ružancy dla malitvy.
«Pastanaviła sabie vyrabić sotniu. Roznych… I pačnie śvitać. Sto zrablu — vajna skončycca. Nie zusim, viadoma, ale krychu skončycca», — tłumačyła svaje matyvy Sabina Bryło.
Jana raspaviała katolik.life pra toje, što nie rabiła ružancaŭ na zamovu, a daryła ich roznym ludziam:
«Kala 60 ružancaŭ užo ŭ ludziej. Jany pieravažna dastavalisia tym, chto ŭ ciažkich ci niebiaśpiečnych abstavinach. Businy dla ich traplali da mianie ad roznych ludziej. Jość ad niekalkich palityčnych viazynak».
Sabina vyrablała ružancy z raznastajnych materyjałaŭ, u tym liku z hiematytu, pierlinaŭ, dreva. Usiaho spatrebiłasia kala 6 tysiač pacierak.
«Zastałosia jašče dapracavać niekatoryja ružancy: pakidała dzie biez kryžyka, dzie prosta nie padabajecca mnie, treba niešta pierarabić. Nu i siem kantrolnych chacieła b jašče zrabić», — dadała Sabina.
Jana taksama prakamientavała, u čym zaklučajecca jaje intencyja, malitva, jakuju raniej ścisła tłumačyła słovami «Sto zrablu — vajna skončycca»:
«Vajna, pa-mojmu, — heta bolš, čym rasijski napad na Ukrainu. Ludzi sčytvajuć tolki heta, na žal. Napad hety — vynik ahulnaj ludskoj nieciarpimaści. Jak i ŭsio inšaje, što my ciarpim… I abyjakavaść tych, u kaho ŭłada, da tych, u kaho tolki žyćcio».
Kinafiestyval, admienieny ŭ Biełarusi, praviadzie pakazy ŭ Vilni
U sieradu ŭ Minsku adkryjuć vystavu da 500-hodździa vydańnia «Pieśni pra zubra»
Adrazu dva biełarusy ŭvajšli ŭ žury prestyžnaj kinapremii «Załaty hłobus»
Kaho z palitviaźniaŭ mohuć vypuścić paśla anonsu Łukašenki?3
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary
a jana hałasavała za ** u 20?
moža lepš by padumała tady...a?