Lada pakazała svoj pieršy elektramabil. Jaho budujuć na bazie Dacia Logan MCV rodam z 2006 hoda
AŭtaVAZ pradstaviŭ u Sočy novy elektryčny furhon Lada e-Largus. Da ciapierašniaha času aŭtamabil pakazvali tolki na rendarach.
Je-Largus abstalavany elektryčnym ruchavikom na 150 konskich sił. Zajaŭleny razhon da 100 km/h — 10 siekund. Abiacany zapas chodu składaje 400 km. Płanujecca, što aŭtamabil buduć vypuskać jak u lehkavoj, tak i ŭ hruzavoj viersii. Hruzapadjomnaść apošniaj budzie składać 430 kiłahram.
Nabyć elektryčnuju «Ładu» atrymajecca nie raniej, čym u 2024 hodzie, mienavita na pačatak nastupnaha hoda zapłanavany zapusk elektryčnaha Largus u sieryju. Probnuju partyju elektryčnych Lada e-Largus źbirajucca sabrać u kancy 2023 hoda.
Kolki budzie kaštavać aŭtamabil, dakładna nie viadoma, bo vytvorca jašče nie ahučvaŭ cen. Raniej havaryłasia, što elektryčny «Łarhus» budzie na 20—30 adsotkaŭ daražejšy za viersiju ź bienzinavym ruchavikom.
Na biahučy momant Largus u samym tannym vykanańni pradajecca ŭ Biełarusi za 19 tysiač dalaraŭ. Vynikaje, što jaho elektryčnaja viersija budzie pradavacca po cenach 23—25 tysiač dalaraŭ, kali brać da ŭvahi aŭtamabili ŭ samaj prostaj kamplektacyi.
Cikava, što Lada Largus pa fakcie źjaŭlajecca kopijaj Dacia Logan MCV, jaki pačali vypuskać u Rumynii jašče ŭ 2006 hodzie. Z 2012 hoda anałahičny aŭtamabil, tolki ŭžo pad markaj Lada, pačali vypuskać u Rasii. U Jeŭropie vypusk Logan pieršaha pakaleńnia byŭ zavieršany ŭ tym ža 2012 hodzie. Na źmienu jamu pryjšoŭ aŭtamabil druhoha pakaleńnia, a ŭžo ŭ 2020 jaho źmianiŭ «Łohan» treciaha pakaleńnia.
Lada Largus u svaju čarhu zastajecca ŭsio toj ža Dacia Logan MCV, jakaja vyjšła ŭ śviet amal 20 hadoŭ tamu. U 2021 hodzie Largus taksama pieražyŭ hłyboki restajlinh, atrymaŭšy piaredniuju častku, jak u Dacia Logan druhoha pakaleńnia. A voś z boku i z tyłu sučasnaja Lada Largus i jaje elektryčny varyjant, jaki tolki płanujuć zapuścić u sieryju ŭ nastupnym hodzie, amal nie adroźnivajecca ad Dacia 2006 hoda vypusku.
Jak adroźnivajucca ceny na novyja aŭto ŭ Jeŭropie i Biełarusi
«Pradajecca ŭ suviazi ź pierajezdam». Ci šmat biełarusaŭ pradaje mašyny z-za emihracyi?
Ciapier čytajuć
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary