Historyja1010

Dla Rasii staražytnaja Ruś bolš nie Kijeŭskaja? Miarkujučy pa novym padručniku, tak

U novaj redakcyi rasijskaha padručnika «Navakolny śviet» dla čaćviortaha kłasa vydaviectva «Prośvieŝienije» prybrali niekalki zhadak Kijeva ŭ parahrafach, jakija tyčacca historyi Kijeŭskaj Rusi. Zaŭvažyła heta vydańnie «Miedyjazona», žurnalisty jakoha aznajomilisia ź niekalkimi staronkami adredahavanaha padručnika i paraŭnali ich ź viersijaj 2021 hoda.

Kłaŭdzij Lebiedzieŭ. Chryščeńnie kijaŭlan
Chryščeńnie kijaŭlan. Karcina rasijskaha darevalucyjnaha mastaka Kłaŭdzija Lebiedzieva 

Kali ŭ starym vydańni havaryłasia, što letapis «Apovieść minułych hadoŭ» napisaŭ manach Kijeva-Piačerskaha manastyra Niestar, to ŭ novaj viersii Niestar nazvany prosta manacham, biez udakładnieńnia miesca, dzie jon žyŭ i pracavaŭ.

Inšaja źmiena: u staroj viersii havaryłasia, što kniaź Uładzimir chryściŭ uvieś narod u Kijevie, a ŭ novaj — što «ŭ stalicy».

Jašče adno: było «paśla śmierci Aleha ŭ Kijevie staŭ kiravać kniaź Ihar», a stała — «paśla śmierci Aleha Ruśsiu staŭ kiravać kniaź Ihar».

Akramia taho, u padručniku pa historyi Rasii za šosty kłas pamianiałasia data, jakaja ličycca momantam zasnavańnia Rusi jak dziaržavy. U redakcyi 2016 hoda havorycca: «882 hod, kali Aleh abjadnaŭ Noŭharad i Kijeŭ, mnohija historyki nazyvajuć umoŭnaj dataj utvareńnia Staražytnaruskaj dziaržavy». U redakcyi 2023 hoda napisana: «Pastupova najbolšaje značeńnie nabyła dynastyja kniazioŭ, jakija ŭzvodzili svoj rod da Ruryka. Ź jaho zaprašeńniem u 862 hodzie ŭ Noŭharad źviazvajuć utvareńnie dziaržavy Ruś».

Novaja redakcyja padručnika «Navakolny śviet», praŭda, pakul jašče nie pastupiła ŭ prodaž — jana tolki adpraŭlenaja ŭ druk.

Akramia novaj redakcyi padručnika, da vypusku rychtujucca mietadyčnyja materyjały, u jakich udakładniajecca rola Kijeva ŭ historyi Rasii. Jak miarkuje surazmoŭca «Miedyjazony» u vydaviectvie «Prośvieŝienije», hetyja materyjały pastupiać u škoły da kanca viasny i buduć vykarystoŭvacca ŭ nastupnym navučalnym hodzie.

«Miedyjazona» jašče ŭ krasaviku 2022 hoda pisała, što ŭ vydaviectvie «Prośvieŝienije» rychtujuć novyja redakcyi padručnikaŭ. «Adzin raz zhadvajem, što była ŭtvoranaja Kijeŭskaja Ruś, a dalej nazyvajem jaje prosta Ruś, niama bolš Kijeŭskaj Rusi. A Kijeŭ — jaje stalica, — raskazvaŭ adzin z supracoŭnikaŭ vydaviectva. — Jak by heta dziŭna ni hučała, ale ŭ ideale [treba] zamianić radok pra toje, što «Uładzimir chryściŭ Kijeŭ» na słovy, što jon «chryściŭ stalicu».

Paśla Uładzimir Miadzinski, pamočnik Pucina i były ministr kultury, paćviardžaŭ, što ŭ Rasii źjaviacca adzinyja padručniki historyi, napisanyja «z ulikam histaryčnych padziej, jakija adbylisia sioleta». «Heta i pačatak śpiecyjalnaj vajennaj apieracyi, i ŭvachodžańnie ŭ skład RF Danieckaj i Łuhanskaj narodnych respublik, Zaparožskaj i Chiersonskaj abłaściej, i biesprecedentny sankcyjny cisk. Hetyja fakty, viadoma, znojduć svajo adlustravańnie ŭ novych padručnikach», — udakładniaŭ Miadzinski.

Kamientary10

  • Gorliwy Litwin
    20.04.2023
    Biełaruskaja dziaržava VKŁ i Maskoŭskaja dziaržava (Kijeŭskaja) Ruś. Usio łahična
    • Valadzimir
      20.04.2023
      Gorliwy Litwin , VKŁ nikoli nie było "biełaruskaj" dziaržavaj, a staražytnaja Ruś nikoli nie była "Kijeŭskaj". Jana pačałasia z Noŭharada i kałanizavanych im vuhra-finskich ziemlaŭ, niekatory čas druhim jaje centram byŭ Kijeŭ, a potym jaje centar viarnuŭsia ŭ paŭnočna-ŭschodnija abšary.
  • Valadzimir
    20.04.2023
    Prostaja praŭda , kaniešnie, Ruś - heta absalutna nie toje samaje što Rasieja. Ale staražytny Kijeŭ - heta absalutna nie "Ukraina". Staražytny Kijeŭ - častka historyi Staražytnaj Rusi, jakaja daŭnym-daŭno źnikła.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Achova i dziasiatki ludziej u kamandzie: za što žyvie Ofis Cichanoŭskaj u Vilni?8

Achova i dziasiatki ludziej u kamandzie: za što žyvie Ofis Cichanoŭskaj u Vilni?

Usie naviny →
Usie naviny

Upłyŭ Miełanii Tramp na muža byŭ niedaacenieny. Ukraina atrymała niečakanaha sajuźnika ŭ jaje asobie8

Na Minsk znoŭ abrynułasia trapičnaja zaleva, u Łošycy mašyny papłyli3

«Padarožžy dyletanta» Juryja Žyhamonta bolš nie vychodziać na jutubie27

«Heta treba nastolki daviarać ludziam». U vioscy na Brestčynie adkryli łarok samaabsłuhoŭvańnia biez pradaŭca4

U dvary zvyčajnaj chruščoŭki ŭ Hrušaŭcy zrabili basiejn. Ale nie kab kupacca, a dla pryhažości3

La Hrodna vypaŭ hrad, słoj skłaŭ 30 santymietraŭ

«Maleńkaja pasłuha biełaruskim uładam». Deputaty «Alternatyvy dla Hiermanii» zrabili zapyt svajmu ŭradu pra finansavańnie «Bajsoła» i biełaruskich palitviaźniaŭ3

Ryanair i Finnair pryznali najhoršymi avijakampanijami Jeŭropy3

Dačka Nadziei Jermakovaj pastaŭlaje rybu ŭ kałonii, balnicy i siłavikam11

bolš čytanych navin
bolš łajkanych navin

Achova i dziasiatki ludziej u kamandzie: za što žyvie Ofis Cichanoŭskaj u Vilni?8

Achova i dziasiatki ludziej u kamandzie: za što žyvie Ofis Cichanoŭskaj u Vilni?

Hałoŭnaje
Usie naviny →

Zaŭvaha:

 

 

 

 

Zakryć Paviedamić