Pryhožyn napisaŭ list prezidentu Šviejcaryi, jakaja ŭviała sankcyi suprać PVK «Vahnier». U im jon raspavioŭ, što ŭ suchpajku vahnieraŭcaŭ — syr ź Biełarusi. «Naša Niva» patelefanavała vytvorcu. U Navahrudku zapeŭnili, što naŭprost z «Vahnieram» nie pracujuć.
Pres-słužba Pryhožyna apublikavała adkaz Pryhožyna z paznakaj «terminovy zvarot Jaŭhiena Pryhožyna da prezidenta Šviejcaryi Aleny Biersa ŭ suviazi z sankcyjami Šviejcaryi ŭ dačynieńni da PVK «Vahnier».
U liście, napisanym u charakternaj błazienskaj maniery Jaŭhien Pryhožyn paviedamiŭ, što ŭ suviazi sa šviejcarskimi sankcyjami PVK «Vahnier» moža adčuć «surjoznyja ciažkaści».
«Častka našych suchich pajkoŭ ukamplektavanaja syram «Emiental» Navahrudskaha kambinata. Prašu vas u samyja karotkija terminy adkazać, ci možam my dalej užyvać hety syr, niahledziačy na sankcyi? I ci nie budzie padvierhnutaja druhasnym sankcyjam Respublika Biełaruś jak miesca pražyvańnia karoŭ — krynicy syraviny Navahrudskaha kambinata? Pierakanaŭča prašu vas adkazać jak maha chutčej, bo bajcy PVK «Vahnier» u akopach masava zadajuć pytańnie, ci mohuć jany ŭžyvać u ježu hety «Emiental», kab nie padstavić brackuju dziaržavu, Respubliku Biełaruś».
Pryhožyn dadaje, što ŭ vypadku admovy vahnieraŭcy mohuć pierajści na Krakaŭskuju kaŭbasu.
Ci Navahrudski kambinat pradaje syry PVK «Vahnier»?
Žurnalist «Našaj Nivy» pad vyhladam pradstaŭnika inšaj rasijskaj PVK pazvaniŭ na zavod «Navahrudskija dary» i pacikaviŭsia, ci možna kupić pradukcyju. Adkaz byŭ — naŭprost nie pracujem, zvanicie dystrybjutaram u Rasii.
«Treba niešta mianiać. Heta ŭžo naśpieła». Baćka Kanapackaj padzialiŭsia dumkami pra vybary i ŭdzieł dački ŭ ich4
Kamientary