Z Aleka Bołduina źniatyja abvinavačvańni ŭ hibieli apieratara Haliny Chatčyns
Advakaty halivudskaha kinaakciora Aleka Bołduina abviaścili, što ź ich padabaronnaha źniatyja kryminalnyja abvinavačvańni ŭ suviazi z fatalnym incydentam na zdymačnaj placoŭcy filma «Rža», u vyniku jakoha zahinuła apieratarka z Ukrainy Halina Chatčyns.
Znakamity akcior abvinavačvaŭsia ŭ nienaŭmysnym zabojstvie Chatčyns i ranieńni jašče adnaho ŭdzielnika zdymačnaj hrupy ŭ 2021 hodzie ŭ štacie Ńju-Mieksika, dzie prachodzili zdymki karciny.
Chatčyns była zabitaja padčas repietycyi adnoj sa scen strełam z rekvizitnaha revalviera, jakim pa siužecie filma karystaŭsia Bołduin i jaki ź niejkaj pryčyny akazaŭsia zaradžany bajavymi patronami zamiest chałastych.
Pra źniaćcie abvinavačvańniaŭ było abvieščana mienš čym za dva tydni da pačatku sudovaha pracesu.
U hety ž dzień stała viadoma, što zdymačnaja hrupa pad kiraŭnictvam Aleka Bołduina adnaviła pracu nad viesternam, spynienuju paśla trahiedyi.
«My zadavolenyja rašeńniem ab zakryćci spravy suprać Aleka Bołduina i zaklikajem da paŭnavartasnaha rasśledavańnia faktaŭ i abstavinaŭ hetaha trahičnaha zdareńnia», — zajaviŭ jaho advakat Luk Nikas.
Zdymki filma «Rža», padčas jakich zahinuła apieratarka Halina Chatčyns, adnoviacca
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
U čym naohuł sens karać za niešta nienaŭmysnaje?