«Vietraź», «karabliki» i navat Zybickaja. Jakija ofisy pradajucca ŭ Minsku
Rynak ofisnaj nieruchomaści Minska pieražyvaje niaprostyja časy. Pavodle analitykaŭ, na kaniec 2022 hoda vakantnymi zastavalisia bolš za 187 tysiač kvadratnych mietraŭ ofisaŭ, što składała kala 18,1% ad ahulnaha stoku. Kufar.by pasprabavaŭ znajści najlepšyja varyjanty.
Jość takoje vyznačeńnie «cichi centr». Ale adšukać miesca na karcie Minska, dzie «cichi centr» isnuje ŭ realnaści, nie tak prosta. Pamiž vulicami Zacharava i Frunze, litaralna za piać chvilin chady ad płoščy Pieramohi, zusim pobač z parkam imia Horkaha znachodzicca Vajskovy zavułak. Heta i jość samy sapraŭdny «cichi centr» — zialony, małapaviarchovy, nadziejna zakryty ad starońnich vačej.
Tut pradajecca absalutna ŭnikalny dla rynku kamiercyjnaj nieruchomaści stalicy abjekt — raśsieleny 2-kvaterny žyły dom, pieraviedzieny ŭ niežyły fond. Ahulnaja płošča 2-paviarchovaha 5-pakajovaha katedža — 299 m2. Razam z domam pradajecca i ŭčastak płoščaj 13,5 sotki. Na ŭčastku raźmieščany haraž na dva aŭtamabili i pładanosny sad. U abjavie śćviardžajecca, što raniej u hetym domie pražyvali siemji vyšejšych kiraŭnikoŭ Biełaruskaj čyhunki ŭ ranhu hienierał-dyrektara.
Raspracavany eskizny prajekt pieratvareńnia hetaha doma ŭ sučasny ofis z padziemnym parkinham. Jon praduhledžvaje rekanstrukcyju isnujučaha budynka, u jakim buduć raźmiaščacca apartamienty, a taksama prybudovu novaha korpusa z zadniaha boku isnujučaha budynka, dzie buduć raźmieščany ofisnyja pamiaškańni. Prajekt maksimalna zachoŭvaje adzinuju stylistyku zabudovy i vizualnaje abličča vulicy. Nie vyklučanaja i mahčymaść pieravodu budynka ŭ žyły fond.
Košt hetaha abjekta — 7 269 323 rubloŭ (2 475 000 $).
Adna z samych prestyžnych ofisnych łakacyj — kompleks budynkaŭ na praśpiekcie Pieramožcaŭ, nasuprać «Minsk-Areny», tak zvanyja «karabliki». Tut pradajecca pamiaškańnie ahulnaj płoščaj 260 m2. Mebla i ramont — u padarunak novamu ŭłaśniku. Cana dahavornaja.
Adrazu niekalki ofisnych pamiaškańniaŭ možna nabyć u adnym z samych vysokich žyłych kompleksaŭ stalicy — «Vietrazi». Miesca vydatnaje — skryžavańnie bujnych transpartnych mahistralaŭ, vulic Kalvaryjskaj i Cimirazieva, pobač niekalki stancyj mietro.
Za 916 963 rubloŭ (312 200$) tut pradajecca ofis ahulnaj płoščaj 223 m2. Dobry ramont, usie kamunikacyi.
Płošča Jakuba Kołasa, HC «Maskoŭska-Vienski». Tut možna nabyć 2-paviarchovy ofis ahulnaj płoščaj 69 m2. Vokny vychodziać na praśpiekt Niezaležnaści. Jość usie nieabchodnyja kamunikacyi. Dostup u budynak 08:00—23:00, kruhłasutačnaja achova, płatnaja parkoŭka z advarotnaha boku budynka.
Na vulicy Maskoŭskaja, u budynku, jaki źjaŭlajecca pomnikam historyka-kulturnaj spadčyny, raźmieščanyja ofisnyja pamiaškańni ahulnaj płoščaj 193 m2. Jany znachodziacca na 5 pavierchach. Taksama jość techničny pavierch i parkoŭka. Košt dahavorny.
Samaja tusovačnaja vulica Minska Zybickaja hulaje i viesialicca nie 24 hadziny na sutki. Tut pradajecca i niekalki ofisnych pamiaškańniaŭ. Naprykład, voś hety vielizarny ofis ahulnaj płoščaj 1201.5 m2. Jon raźmieščany na troch pavierchach. U pamiaškańniach vykanany dobry ramont, jość usie nieabchodnyja kamunikacyi. Cana dahavornaja.
ŽK «Hrafit» raźmieščany ŭ samym centry — na vulicy Miaśnikova, pobač ź Niamihaj. Tut pradajecca pa dahavornaj canie pamiaškańnie ahulnaj płoščaj 387.9 m2. Jaho ŭnikalnaja asablivaść — najaŭnaść terasy i bałkona-halerei. U budynku jość padziemny parkinh.
Niekalki ofisaŭ dastupna dla nabyćcia ŭ biznes-centry «Alaksandraŭ Pasaž». Jon znachodzicca nasuprać Nacyjanalnaj biblijateki, na skryžavańni praśpiekta Niezaležnaści i vulicy Filimonava.
Voś, naprykład, ofis ahulnaj płoščaj 167.8 m2, jaki prapanujecca za 985 691 rubloŭ (335 600$).
Vydatny ofis pradajecca na vulicy Alejnaj, niepadalok ad Sievastopalskaha parku. Jon znachodzicca ŭ asobnym katedžy. Heta 3-uzroŭnievy budynak z usimi nieabchodnymi kamunikacyjami. Zrobleny dyzajnierski ramont. Ahulnaja płošča — 387 m2. Dvor dobraŭparadkavany, jość asobnaja parkoŭka. Košt prapanovy — 1 136 951 rubloŭ (387 100$).
Kamientary