Lotčyk, jakoha abvinavačvajuć ŭ publikacyi sakretnych dakumientaŭ Pientahona, mieŭ dalokasiažnyja płany
U akcie abvinavačańnia havorycca, što Džek Tejšejra daśledavaŭ masavyja zabojstvy i nie dalej jak u hetym hodzie zajaviŭ u sacyjalnych sietkach, što chacieŭ by zabić «masu ludziej», kab «vyniščyć słabych rozumam».
Pra źmiest 18-staronkavaha akta abvinavačvańnia raspaviadaje The Times.
U dakumiencie śćviardžajecca, što Tejšejru nieabchodna ŭziać pad vartu na niavyznačany termin, bo jość «surjoznaja niebiaśpieka ŭciokaŭ» i jon ŭsio jašče moža vałodać infarmacyjaj, jakaja moža mieć «vialikuju kaštoŭnaść dla varožych dziaržaŭ».
U jakaści arhumienta za źmiaščeńnie pad vartu prakurory pryvodziać paničnyja sproby Tejšejry ścierci ślady svaich dziejańniaŭ u toj momant, kali ahienty FBR ačapili jaho dom. Vajskoviec paprasiŭ adnaho z udzielnikaŭ čatu vydalić usie paviedamleńni i ničoha nie raskazvać na dopytach.
Tejšejra rastruščyŭ svoj płanšet, noŭtbuk i hulniavuju prystaŭku Xbox. Śledčyja ich znajšli ŭ śmiećcievym baku kala doma. A adzin sa śviedak raskazaŭ, što Tejšejra vykinuŭ svoj telefon z akna aŭtamabila padčas ruchu.
U toj ža čas advakat Tejšejry arhumientavaŭ prośbu, kab jaho nie brali pad vartu, tym, što niepasredna ŭ momant jaho zatrymańnia jon siadzieŭ na terasie i čytaŭ Bibliju.
Prakurory ž zajavili, što abjom kanfidencyjnaj infarmacyi, jakoju moža vałodać Tejšejra, «našmat pieravyšaje toje, što trapiła ŭ publičny dostup».
Minułaje ŭ Tejšejry było sprečnaje.
U akcie abvinavačvańnia havorycca, što ŭ 2018 hodzie Džeka Tejšejru vyklučali sa škoły za kamienty ekstremisckaha źmiestu pra vykarystańnie kaktejlaŭ Mołatava i zbroi. Tejšejra, jak vyjavili śledčyja, taksama šukaŭ u internecie infarmacyju ab masavych zabojstvach i «rehularna dyskutavaŭ na temy hvałtu i zabojstvaŭ» na toj ža płatformie Discord, jakuju jon vykarystoŭvaŭ dla raźmiaščeńnia sakretnaj infarmacyi.
Śledčyja taksama adznačyli, što lotčyk Tejšejra byŭ schilny da «rasavych pahroz». Heta nie zastałosia biez uvahi palicyi, kali jon źviarnuŭsia pa dazvoł na vałodańnie ahniastrelnaj zbrojaj.
Śledčyja znajšli nievialiki arsienał: pistalety, vintoŭki, drabaviki, bujnakalibierny aŭtamat — u spalni maładoha čałavieka ŭ domie jaho maci i ajčyma. Taksama byŭ znojdzieny malunak ad ruki «furhona dla zabojstvaŭ».
Prakuratura taksama paćvierdziła raniejšuju infarmacyju pra toje, što pieršaja ŭciečka sakretnych dakumientaŭ adbyłasia ŭ pieršyja dva dni paśla ŭvarvańnia Rasii va Ukrainu. Na dumku śledčych, Tejšejra atrymaŭ dakumienty dziakujučy pravam administratara, jakija jon mieŭ jak śpiecyjalist pa infarmacyjnych technałohijach. U svaich paviedamleńniach u sacyjalnych sietkach lotčyk adznačaŭ, što jahonaja praca daje jamu dostup da materyjałaŭ, jakija nie mohuć bačyć inšyja.
Aŭtary artykuła spasyłajucca na zajavu pradstaŭnika Vajenna-pavietranych sił ZŠA ahienctvu Reuters pra toje, što dva kamandziry padraździaleńnia, u jakim słužyŭ Tejšejra, byli adchilenyja ad pasadaŭ i adpraŭlenyja ŭ adpačynak da zaviaršeńnia rasśledavańnia.
Čytajcie jašče:
Tejšejra nie adziny, chto raspaŭsiudžvaŭ sakretnyja dakumienty ZŠA. Hetym taksama zajmaŭsia «Łuka»
Heta inšaje? Na čym padstaŭlajuć udzielnikaŭ fłešmobu «Nado!»14
Kamientary
Łamańnie techniki, vykidańnie telefona, čystka čataŭ - a chto nie zachoča minimizavać svoj termin. A śviecić jamu niamała, nałamaŭ drovaŭ