Tejšejra nie adziny, chto raspaŭsiudžvaŭ sakretnyja dakumienty ZŠA. Hetym taksama zajmaŭsia «Łuka»
ŚMI vyjavili jašče adnaho čałavieka, jaki «adyhraŭ klučavuju rolu» ŭ raspaŭsiudžvańni zvyšsakretnych dakumientaŭ.
Džek Tejšejra nie byŭ adzinym, chto raspaŭsiudžvaŭ u internecie sakretnyja dakumienty ZŠA. Niemałavažnuju rolu adyhraŭ i karystalnik sietki pad nikam «Lucca» (ci prosta «Łuka»). Pra heta 14 krasavika paviedamiła adrazu niekalki ŚMI: The Guardian, CNN i ABC News.
Im stała viadoma, što Tejšejra, hałoŭny padazravany va ŭciečcy, jaki zaraz znachodzicca pad vartaj, źlivaŭ sakretnyja dakumienty jašče ŭ studzieni tolki ŭ adzin maleńki čat sacsietki Discord (na 20—30 čałaviek). A ŭžo potym niejki karystalnik «Łuka» ŭ sakaviku pačaŭ adpraŭlać hetyja dakumienty ŭ čat Wow Mao Zone (na 4000 udzielnikaŭ), adkul u dalejšym jany vyrvalisia z Discord i patrapili ŭ 4chan, Telegram i Twitter.
ŚMI zmahli źviazacca z maderataram i niekatorymi karystalnikami čata Wow Mao Zone, kab padrabiaźniej daviedacca pra «Łuku». Pa ich słovach, jon vielmi chacieŭ pryciahnuć da siabie ŭvahu.
«Łuka mieŭ dobruju reputacyju ŭ čacie, choć my jaho i nie viedali asabista. U pačatku sakavika jon staŭ dasyłać vyjavy dakumientaŭ, jakija my paličyli padroblenymi i jakija visieli tam tydniami. Pry hetym časta padčas ich publikacyi Łuka pinhavaŭ usich astatnich karystalnikaŭ, kab na jaho źviarnuli ŭvahu», — raskazali CNN čatyry nienazvanyja ŭdzielniki čata Wow Mao Zone.
U toj ža čas adzin z maderataraŭ čata pad nikam «Kralj» raspavioŭ The Guardian, što asabista šmat hadoŭ viedaje «Łuku», i adznačyŭ, što ni jon, ni «Łuka», ni chto-niebudź jašče ŭ čacie spačatku nie ličyli tyja sakretnyja dakumienty sapraŭdnymi.
«Nichto nie dumaŭ, što jany sapraŭdnyja. Razumiejecie, heta hłupstva raźmiaščać dziaržaŭnyja dakumienty na Discord. Pamiataju, Łuka tady skazaŭ: «Hej, chłopcy, pahladzicie na hetyja śmiešnyja rečy, jakija ja znachodžu na adnym sierviery». Akazvajecca, heta nie tak śmiešna, jak my dumali raniej.
Łuka zusim małady i dobry chłopiec, ale trochi naiŭny, kali sprava dachodzić da taho, što jon robić u internecie. My potym paprasili jaho nie raźmiaščać dakumienty, ale jon usio adno heta rabiŭ. U vyniku my pačyścili ŭsie paviedamleńni, a potym uvohule vydalili čat», — raskazaŭ Kralj, adznačyŭšy, što da jaho jašče nie źviartalisia pravaachoŭnyja orhany pa infarmacyju ab incydencie.
Na hety momant asoba «Łuki» aficyjna zastajecca nieviadomaj, adnak ahienctva ABC News śćviardžaje, što daviedałasia jaho sapraŭdnaje imia, ale pakul nie budzie raskryvać hetuju infarmacyju.
Mierkavany baćka karystalnika ŭskosna paćvierdziŭ ahienctvu, što «Łuka» źjaŭlajecca jaho synam.
Nahadajem, što na ŭciečku ź Pientahona ŭpieršyniu źviarnuli ŭvahu ŭ pačatku krasavika. Siarod źlitych dakumientaŭ taksama akazałasia infarmacyja ab dyviersii ŭ Mačuliščach i charaktary paškodžańnia rasijskaha stratehičnaha samalota A-50.
Heta inšaje? Na čym padstaŭlajuć udzielnikaŭ fłešmobu «Nado!»14
Kamientary