Łatuška acaniŭ imaviernaść vydačy ordara na aryšt Łukašenki za raźmiaščeńnie vyviezienych z Ukrainy dziaciej
Parłamienckaja asambleja Rady Jeŭropy pryznała Łukašenku datyčnym da departacyi ŭkrainskich dziaciej. Kiraŭnik NAU i pradstaŭnik Abjadnanaha pierachodnaha kabinieta pa tranzicie ŭłady Pavieł Łatuška raskazaŭ «Našaj Nivie», jakija dokazy sabranyja i ci moža rezalucyja paŭpłyvać na vydaču ordara.
Prapanovu ab tym, kab razam z Pucinym u rezalucyi zhadvaŭsia i Łukašenka, zrabiŭ deputat Viarchoŭnaj Rady Ukrainy Alaksiej Hančarenka.
U rezalucyi PARIE adznačajecca, što zhodna z normami mižnarodnaha prava, prymusovaja departacyja — heta prykmieta hienacydu, tamu ŭsie vypadki pavinny rasśledavacca, a ŭsie datyčnyja panieści adkaznaść.
«Fakty prymusovaha znachodžańnia ŭ Biełarusi abo pieramiaščeńnia praz terytoryju našaj krainy dziaciej-sirot, biezumoŭna, niepasredna adnosiacca da vajennaha złačynstva, źviazanaha z zabaronaj na pieramiaščeńnie z akupavanych terytoryj hramadzianskaha nasielnictva.
Fakty pieramiaščeńniaŭ dziaciej šyroka publikujucca ŭ ŚMI. U publičnych zajavach Alaksiej Tałaj havoryć ab pryniaćci ŭ Biełarusi sirot z akupavanych terytoryj», — raskazvaje Pavieł Łatuška.
Kamanda NAU padrychtavała papiaredniuju spravazdaču pa faktach departacyi ŭ Biełaruś ukrainskich dziaciej z akupavanych Rasijaj terytoryj Ukrainy, praanalizavała i sabrała materyjały, jakija pakazvajuć usiu schiemu dziejańniaŭ uładaŭ Biełarusi pa pieramiaščeńni ŭkrainskich dziaciej. Na čale hetaj schiemy staić Łukašenka.
«Tamu havorka idzie ab parušeńni 4-j Ženieŭskaj kanviencyi 1949 hoda ŭ adnosinach da asabliva abaronienaj katehoryi asob padčas uzbrojenych kanfliktaŭ, a taksama Rymskaha Statuta, jaki kvalifikuje hetyja dziejańni ŭ jakaści vajennych złačynstvaŭ, — kaža Pavieł Łatuška. —
My sabrali peŭnuju dokaznuju bazu ab raźmiaščeńni dziaciej na terytoryi Biełarusi, ab maršrutach pieramiaščeńnia, ab adnosinach da dziaciej, ab ideałahičnaj apracoŭcy, jakaja pravodzicca ź dziećmi. My, na žal, pakul nie možam raskryvać usie dokazy ŭ suviazi z tym, što ŭ hety momant rasśledavańnie viaduć ukrainskija i mižnarodnyja kampietentnyja orhany.
My pieradavali i pieradajom materyjały jak Alaksieju Hančarenku, tak i inšym deputatam.
U pieršuju čarhu, treba razumieć: palityčnaja rezalucyja — tolki pieršy krok.
Rašeńnie ab vydačy ordaraŭ prymaje nie PARIE, bo ŭ jaje niama hetaha mandata. Pytańnie znachodzicca ŭ vyklučnaj kampietencyi prakurora mižnarodnaha suda ŭ Haazie.
Mnohaje taksama zaležyć ad materyjałaŭ, jakija akumuluje ŭ siabie Hienieralnaja prakuratura Ukrainy».
Čytajcie taksama:
Parłamienckaja asambleja Rady Jeŭropy pryznała Łukašenku datyčnym da departacyi ŭkrainskich dziaciej
Ci budzie Ofis Cichanoŭskaj ładzić svaje «zavočnyja sudy» nad pradstaŭnikami režymu?
Biendžamin Fierenc, apošni prakuror Niurnbierha, pamior va ŭzroście 103 hadoŭ
Kamientary