Paśla ŭzmacnieńnia pakarańnia 73-hadovaha Barysa Kučynskaha adpravili ŭ kałoniju
73-hadovaha žychara Słonima Barysa Kučynskaha adpravili ŭ kałoniju terminam na dva hady. Ciapier jon znachodzicca ŭ PK № 2 (horad Babrujsk). Heta adbyłosia paśla ŭzmacnieńnia pakarańnia, paviedamlaje «Viasna».
Spačatku 10 listapada 2022 hoda ŭ sudzie Słonimskaha rajona Kučynskaha asudzili na try hady abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaja chimija»). Ale dziaržabvinavačańnie tady zapytvała pazbaŭleńnie voli terminam na 2 hady. I paśla sudovaha pracesu prakuratura padała apielacyjnuju skarhu na prysud — u vyniku ŭ studzieni 2023 hoda Hrodzienski abłasny sud jaje zadavoliŭ i prysudziŭ Kučynskamu dva hady pazbaŭleńnia voli ŭ kałonii va ŭmovach ahulnaha režymu. Barys Kučynski abskardžvaŭ hety prysud u Viarchoŭnym sudzie, ale tam jaho skarhu nie zadavolili.
31 sakavika Barysa adpravili ŭ raźmierkavalny centr u Baranavičach, paśla čaho ŭ siaredzinie krasavika etapavali na ciahniku ŭ papraŭčuju kałoniju № 2 pa adrasie: 213800, h. Babrujsk, vuł. Sikorskaha, 1.
Akramia taho, Kučynski pavinien vypłacić štraf pamieram 150 bazavych vieličyń (4 800 rubloŭ), a taksama pakryć paciarpiełamu milicyjantu Viktaru Łutčanku maralnyja pakuty ŭ pamiery 5 000 biełaruskich rubloŭ.
Asudzili ž Barysa Kučynskaha pa dvuch artykułach Kryminalnaha kodeksa Biełarusi: «Abraza pradstaŭnika ŭłady» (art. 369 KK) i «Niezakonnyja dziejańni ŭ dačynieńni da infarmacyi ab pryvatnym žyćci i piersanalnych danych» (č. 3 art. 203-1 KK). Usio heta — za adzin repost u «Adnakłaśnikach» dopisu ab učastkovym inśpiektaru z Vaŭkavyska Viktaru Łutčanku.
Kamientary