Пасля ўзмацнення пакарання 73-гадовага Барыса Кучынскага адправілі ў калонію
73-гадовага жыхара Слоніма Барыса Кучынскага адправілі ў калонію тэрмінам на два гады. Цяпер ён знаходзіцца ў ПК № 2 (горад Бабруйск). Гэта адбылося пасля ўзмацнення пакарання, паведамляе «Вясна».
Спачатку 10 лістапада 2022 года ў судзе Слонімскага раёна Кучынскага асудзілі на тры гады абмежавання волі без накіравання ў папраўчую ўстанову адкрытага тыпу («хатняя хімія»). Але дзяржабвінавачанне тады запытвала пазбаўленне волі тэрмінам на 2 гады. І пасля судовага працэсу пракуратура падала апеляцыйную скаргу на прысуд — у выніку ў студзені 2023 года Гродзенскі абласны суд яе задаволіў і прысудзіў Кучынскаму два гады пазбаўлення волі ў калоніі ва ўмовах агульнага рэжыму. Барыс Кучынскі абскарджваў гэты прысуд у Вярхоўным судзе, але там яго скаргу не задаволілі.
31 сакавіка Барыса адправілі ў размеркавальны цэнтр у Баранавічах, пасля чаго ў сярэдзіне красавіка этапавалі на цягніку ў папраўчую калонію № 2 па адрасе: 213800, г. Бабруйск, вул. Сікорскага, 1.
Акрамя таго, Кучынскі павінен выплаціць штраф памерам 150 базавых велічынь (4 800 рублёў), а таксама пакрыць пацярпеламу міліцыянту Віктару Лутчанку маральныя пакуты ў памеры 5 000 беларускіх рублёў.
Асудзілі ж Барыса Кучынскага па двух артыкулах Крымінальнага кодэкса Беларусі: «Абраза прадстаўніка ўлады» (арт. 369 КК) і «Незаконныя дзеянні ў дачыненні да інфармацыі аб прыватным жыцці і персанальных даных» (ч. 3 арт. 203-1 КК). Усё гэта — за адзін рэпост у «Аднакласніках» допісу аб участковым інспектару з Ваўкавыска Віктару Лутчанку.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары