Ad samaj ranicy brytancy sabralisia ŭ centry Łondana, kab pabačyć karanacyju novaha manarcha. Apošni raz karanacyja była ŭ 1953 hodzie. Tady karanavali Lizavietu II, jakaja pakinuła hety śviet u vieraśni minułaha hoda.
Sačyć za karanacyjaj možna na kanale Bi-bi-si.
Voś taki raskład karanacyi.
U 12:20 pa minskim časie novy karol Vialikabrytanii razam sa svajoj žonkaj, karalevaj-kansortam Kamiłaj, adpraviacca z Bukinhiemskaha pałaca ŭ Viestminsterskaje abactva.
Darohaj da abactva Karł III budzie ŭ karecie «Byljantavy jubilej» — ekipažy, zroblenym u Aŭstralii da 60-hodździa praŭleńnia Lizaviety II. Kareta zroblena z aluminiju, abstalavana kandycyjanieram i škłopadjomnikami. Pa zakančeńni karanacyi jany viernucca ŭ Bukinhiemski pałac u załatoj karecie, jakaja vykarystoŭvajecca na kožnaj karanacyi z časoŭ Vilhielma IV u 1831 hodzie.
U 13:00 karol i karaleva ŭvojduć pad sklapieńni Viestminsterskaha abactva. Na čas pamazańnia manarch budzie schavany ad vačej prysutnych, videatranślacyi taksama nie budzie. Paśla pamazańnia karalu ŭručać karaleŭskija rehalii, siarod jakich špory, mieč, armiły (branzalety) i skipietr. Paśla hetaha Karł III budzie karanavany karonaj karala Eduarda (zroblena z zołata i ŭpryhožana bolš čym 400 kaštoŭnymi kamianiami dla karanacyi Karła II u 1661 hodzie), paśla čaho prahučyć «Boža, zachoŭvaj karala!».
U 15:00 ich Vialikaści nakirujucca nazad u Bukinhiemski pałac. U 15:45 prybuduć tudy, u 16:15 źjaviacca na bałkonie pierad narodam.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
Čarlz stał stariejšim licom, zaniavšim britanskij tron."