U Minsku prajšła prezientacyja 8-ha numara časopisa «Pamiž», pryśviečanaha dziciačaj tematycy.
U Minsku prajšła prezientacyja 8-ha numara časopisa «Pamiž», pryśviečanaha dziciačaj tematycy. Prezientacyju sumiaścili z uručeńniem siertyfikataŭ sioletnim vypusknikam Biełaruskaha Kalehijuma.
Viečarynu stylizavali pad školny ŭrok. Z nastaŭnicaj, vučniami. Adkryvaŭ urok «dyrektar» Aleś Ancipienka. Zatym słova mieŭ «zavuč» Valancin Akudovič.
«My rychtavali vas, kab nas było bolš»,
— skazaŭ myślar. Jon nie staŭ raźvitvacca ŭ vypusknikami, bo ŭpeŭnieny, što ŭsie jany zastanucca ŭ prastory biełaruskaj kultury. I pracavać im jašče daviadziecca razam.
Paśla da doški vychodzili aŭtary «Pamiž». Dla kahości heta była mahčymaść adčuć siabie sapraŭdnym piśmieńnikam, pračytaŭšy pierad udzianym słuchačom vierš ci apaviadańnie. A dla niekaha — u čarhovy raz nahadać pra siabie.
Siurpryzam stała prysutnaść na prezientacyi hruzinskich paetaŭ Hieorhija Nachucryšvili i Amirana Śvimanišvili. Dziela taho, kab dać słova zamiežnym kaleham, Andrej Chadanovič i Vital Ryžkoŭ skaracili svaje vystupy da čytańnia kožnym pa adnym vieršy. A paśla jany ŭžo pierakładali paeziju hruzinaŭ.
Časopis «Pamiž» źjaŭlajecca prajektam vypusknikoŭ adździaleńnia «Fiłasofii i litaratury» Biełaruskaha Kalehijuma.
Kamientary