Eks-premjera Pakistana Imrana Chana vyzvalili pad zakład. Mienavita paśla jaho aryštu ŭ krainie vybuchnuli pratesty
Viarchoŭny sud Pakistana vyrašyŭ, što Chana aryštavali niezakonna.
Pakistanski sud pastanaviŭ vyzvalić na dva tydni pad zakład byłoha premjer-ministra Imrana Chana, čyj aryšt na hetym tydni pryvioŭ da masavych biesparadkaŭ u roznych častkach krainy, piša Bi-bi-si.
Imran Chan, zorka samaha papularnaha ŭ Pakistanie vidu sportu, krykieta, a taksama eks-premjer-ministr, byŭ aryštavany vajskoŭcami 9 maja ŭ Vysokim sudzie Isłamabada, kudy jon źjaviŭsia na słuchańnie pavodle abvinavačańnia ŭ karupcyi.
U čaćvier Viarchoŭny sud Pakistana vyrašyŭ, što Chana aryštavali niezakonna, paśla čaho Vysoki sud Isłamabada, jak abviaściŭ u piatnicu advakat eks-premjera, pryniaŭ rašeńnie ab vyzvaleńni pad zakład.
«Vysoki sud Isłamabada adpuściŭ jaho pad zakład na dva tydni, a taksama zabaraniŭ aryštoŭvać Imrana Chana na praciahu hetaha pieryjadu», — skazaŭ žurnalistam paśla słuchańnia advakat Fajzał Čaŭdry.
«U ich nie było padstaŭ aryštoŭvać mianie. Mianie vykrali. Jak byccam u nas dziejničaje zakon džunhlaŭ», — zajaviŭ sam Chan brytanskaj haziecie The Independent.
Antykarupcyjnaje viedamstva Pakistana abvinavačvaje Imrana Chana ŭ machinacyjach ź ziamielnymi ŭčastkami.
U aŭtorak paśla taho, jak Chan byŭ aryštavany, u krainie ŭspychnuli biesparadki: jaho prychilniki padpalvali aficyjnyja ŭstanovy i ŭryvalisia ŭ vajskovyja čaści.
U biesparadkach zahinuła jak minimum vosiem čałaviek, amal dźvie tysiačy byli zatrymanyja.
Biełarus žyvie ŭ domie, jaki pabudavaŭ z sałomy, piasku i hliny. Pry hetym jon — adziny žychar vioski. Jak adčuvańni?7
Kamientary