Pieršaje sudovaje pasiadžeńnie pa spravie viadomaha piedahoha-repietytara Jaŭhiena Livianta projdzie 19 maja ŭ 11:30. Pa kryminalnaj spravie razam ź Liviantam prachodziać jašče šeść čałaviek, u tym liku jaho žonka i dzieci.
Razhladać kryminalnuju spravu ŭ dačynieńni da Jaŭhiena Livianta i jašče šaści abvinavačanych budzie sud Maskoŭskaha rajona.
«Jany abvinavačvajucca ŭ tym, što 16 žniŭnia 2020 hoda ŭ Minsku ŭdzielničali ŭ hrupavych dziejańniach, jakija hruba parušajuć hramadski paradak i spałučanyja ź vidavočnym niepadparadkavańniem zakonnym patrabavańniam pradstaŭnikoŭ ułady, što paciahnuła parušeńnie pracy transpartu i pradpryjemstvaŭ», — paviedamili ŭ sudzie rasijskamu vydańniu Sputnik.
Raniej Livianta abvinavačvali taksama ŭ raspaŭsiudžvańni «ektremisckaj» infarmacyi, arhanizacyi i padrychtoŭcy dziejańniaŭ, jakija hruba parušajuć hramadski paradak, a taksama ŭ tym, što jaho repietytarski centr «100 bałaŭ» nibyta ŭchilaŭsia ad padatkaŭ.
Jaŭhien Liviant byŭ zatrymany ŭ kancy śniežnia minułaha hoda. Z taho času jon znachodzicca ŭ SIZA na Vaładarskaha.
Kamientary