Byłaja źniavolenaja raskazała pra sustreču z Nastaj Łojka i siamjoj Liviantaŭ za kratami
Dziaŭčyna, jakaja praviała na Akreścina 15 sutak u śniežni minułaha hoda, raspaviała «Viaśnie», u jakim stanie była pravaabaronca Nasta Łojka paśla dvuch miesiacaŭ aryštu, pra siamju Liviantaŭ i reposty, za jakija zatrymlivali sakamiernic.
«Nasta Łojka vielmi schudnieła, była vielmi stomlenaja»
Na Akreścina dziaŭčynu spačatku adpravili ŭ dvuchmiascovuju kamieru, dzie było bolš za 10 čałaviek.
«U kamiery była Nasta Łojka. Za čas aryštu jana vielmi schudnieła, była vielmi stomlenaja,
— zhadvaje byłaja źniavolenaja. — Nadzieja Astapčuk (alimpijskaja čempijonka pa kidańni jadra) sastupiła mnie svajo miesca na padłozie ŭ tuju noč. Usie dziaŭčaty pryciskalisia adna da adnoj, tamu što na IČU było vielmi choładna.
Dziaŭčaty lažali ŭ radočak i pryciskalisia, a pamiž imi byli butelki z haračaj vadoj.
Nasta ŭstavała niekalki razoŭ za noč i mianiała vadu, jakaja astyvała, na haračuju. My lažali ŭsie ŭzdoŭž kamiery, a Nadzia Astapčuk — papiarok. Jana ŭsiu noč hreła našy nohi, a maje jašče i abdymała, kab ja nie zachvareła ŭ pieršy dzień, tamu što razumieła, što mianie čakaje doŭhi termin.
Ranicaj mianie Nasta prymusiła pajeści, tamu što mnie nie chaciełasia. Ja chvareła na hryp užo niekalki tydniaŭ, drenna siabie adčuvała i tydzień da hetaha praktyčna nie mahła jeści».
Dziaŭčyna zhadvaje, što Naście Łojcy na toj momant nie pieradavali niekatoryja leki, harmanalnyja preparaty ŭ tym liku. A ciopłyja čaraviki, jakia pieradali Łojcy ŭ RUUS, nie nałazili na nohi z-za aciokaŭ.
«Nasta na Akreścina pravodziła z usimi jurydyčnyja kansultacyi. Jana znachodziłasia tam dva miesiacy. Nasamreč, tam i 15 sutak ciažka adsiadzieć. Niejkuju častku jana siadzieła na IČU, ale ŭ asnoŭnym na CIPie, choć u izalatary lahčej — tam pavietra jość».
Jaŭhien Liviant u kamiery čytaŭ sakamiernikam lekcyi
Jaŭhien i Julija Livianty
Paźniej dziaŭčynu pieraviali ŭ inšuju kamieru. Tam ź joj była Julija Liviant (palitźniavolenaja žonka viadomaha repietytara Jaŭhiena Livianta) razam z dačkoj.
«Julu da nas pryviali na dva dni, a potym jaje rezka zabrali i na nastupny dzień pryviali Hannu Liviant. A ŭ kamiery nasuprać nas siadzieŭ jaje baćka.
My pra heta daviedalisia, kali vielmi małady supracoŭnik nam pryadčyniŭ «karmušku», a taksama ŭ kamiery nasuprać. I my ŭ hetuju ščylinku ŭbačyli, jak na nas vielmi ŭvažliva hladziać dva voki. A potym hety chłopčyk nam adkryŭ «karmuški» całkam. Jon tak pakinuŭ nam na chvilin 15.
Hanna siadzieła na łožku kala dźviarej. I akazvajecca, uvieś hety čas na nas hladzieŭ jaje baćka.
Tamu, kali akienca adčyniłasia, Ania paznała baćku i jany navat z dapamohaj žestaŭ zmahli adno z adnym pahavaryć. Jana pakazała kolki joj sutak dali, a Jaŭhien — kolki jamu. Ania pakazała, što mamy ź joj niama. Potym Jaŭhien pakazaŭ knižku Styviena Kinha. A jašče my časam čuli, jak Jaŭhien čytaŭ lekcyi ŭ kamiery.
Ale heta jašče kali Jula była ŭ kamiery. Jana raspaviadała, što spačatku zatrymali jaje i muža, a dačka i jaje muž Mikita pryjechali z Polščy na dzień naradžeńnia i navahodnija śviaty.
Kali zatrymali baćkoŭ, Ania i Mikita pajechali ŭ RUUS pieradać leki — u Juli cukrovy dyjabiet i joj žyćciova važna prymać tabletki. I ŭ vyniku Aniu z mužam zabrali. A Juli było składana z-za chvaroby, tamu što joj nielha bulbu, chleb, cukar. Sup nielha było, bo tam bulba, i zastavałasia tolki jeści kašy».
Kahości zatrymali za «Kupalinku», kahości — za videa horada, kudy trapiła milicejskaje aŭto
Byłaja źniavolenaja raskazvaje, što bolšaść jaje sakamiernic siadzieli za reposty (art. 19.11 KaAP).
«Adna dziaŭčyna siadzieła za repost vierša va ŭkantakcie niejkaha biełaruskaha aŭtara i za toje, što pierasłała dačce pieśniu «Kupalinka». Za vierš i pieśniu joj dali 10 sutak.
Paśla vyzvaleńnia jana paśpieła pryjechać dadomu i schadzić u duš. A ŭviečary prahučaŭ zvanok u dźviery, jana adčyniła, a supracoŭniki joj skazali, što jana zabyłasia padpisać niejkuju papierku. Jana adrazu zrazumieła, što heta značyć. Jaje pryviali i znoŭ dali 10 sutak. I na praciahu hetych 20 sutak u jaje nie spyniajučysia išli miesiačnyja. Da kanca terminu jana była prosta biełaja, ja takoha koleru skury nikoli nie bačyła.
Adna dziaŭčyna trapiła za toje, što jana zdymała panaramnaje videa Minska na Kastryčnickaj płoščy, i ŭ kancy na videa trapiłasia milicejskaja mašyna. Da jaje adrazu padyšli milicyjanty i skazali vydalić videa, a potym jaje zabrali. Ale pa pratakole, jana «napała na supracoŭnika», — raskazała dziaŭčyna.
«Mnie padabałasia partyzanić». Były palitviazień ź Dziaržynska raskazaŭ ab svajoj dziejnaści, a paśla pres-chacie i presaŭščykach
Jak nie dać siabie złamać? Ivulin — pra hatovych i nie hatovych da zony, vinu pierad inšymi viaźniami i karmu łukašystaŭ
«Kali adkaz nie padabaŭsia, to bili». U SIZA-1 padčas žorstkaj pravierki źbivali viaźniaŭ — pravaabaroncy
Zdajuć u arendu katedž zahinułaha chakieista Cypłakova. Voś interjery FOTY7
Kamientary