U Hłybokim 20 maja dla vychavancaŭ starejšych hrup dziciačaha sada № 4 zładzili vajenna-spartyŭnuju hulniu «Zarnica». Hłybockija daškalaty ździejśnili marš-kidok cieraz «bałota», raspalvali vohnišča i śpiavali vajennyja pieśni, piša «Viciebskaja viasna».
Hulnia prajšła pad nahladam vajskovaha kamisara Hłybockaha i Šarkaŭščynskaha rajonaŭ Siarhieja Krasnadubskaha i mietadysta navučalna-mietadyčnaha kabinieta Hłybockaha rajona Aleny Cialicy.
Jak piša sajt miascovaj rajonki, mierapryjemstva adbyłosia ŭ ramkach rajonnaha fiestyvalu piedahahičnych idej «Hramadzianska-patryjatyčnaje vychavańnie dziaciej daškolnaha ŭzrostu».
Padčas hetaj hulni maleńkich dziaciej vučyli akazvać pieršuju dapamohu paciarpiełym, stavić pałatku, raspalvać vohnišča, aryjentavacca pa karcie na miascovaści. Jany navat ździajśniali marš-kidok cieraz «bałota», kidali ŭ cel miašečki ź piaskom, śpiavali vajennyja pieśni, a ŭ kancy ich karmili jačnaj kašaj, zvaranaj u «vajenna-palavych» umovach.
Pavodle zahadčycy dziciačaha sada Aksany Holderbajn, takim čynam praz hulniu jany imknulisia farmavać u daškolnikaŭ ujaŭleńnie ab armii, ab ciažkaj, ale hanarovaj słužbie pa abaronie krainy, spakoi i biaśpiecy jaje žycharoŭ, pryvivać luboŭ da małoj radzimy, vychoŭvać pačućcio patryjatyzmu i nacyjanalnaj samaśviadomaści.
Čytajcie taksama:
«A ja liču, nie rana». Kačanava vykazałasia za patryjatyčnaje vychavańnie dziaciej z 3-4 hadoŭ
Kačanava prapanavała arhanizoŭvać prytułki dla dziaciej pry manastyrach
Udava aktyvista Maksima Čarniaŭskaha raskazała pra jaho pakuty pierad suicydam5
Kamientary