Prezident Uładzimir Zialenski 23 maja prybyŭ na frantavy ŭčastak, kab pavinšavać abaroncaŭ z Dniom marskoj piachoty Vajenna-marskich sił Uzbrojenych sił Ukrainy.
![](http://nnexpictures.fra1.digitaloceanspaces.com/img/w732d4webp1/photos/z_2023_05/b4197bc-348813089-1430789517692596-815084444234077940-n-f9j67.jpg.webp)
Zialenski i marskija piechacincy. Fota z telehram-kanała Uładzimira Zialenskaha
«Našy abaroncy. Frantavy ŭčastak. Siońnia ja tut, kab pavinšavać našych voinaŭ ź ich dniom marskoj piachoty VMS USU. Słava kožnamu i kožnaj, chto abaraniaje Ukrainu», — napisaŭ Zialenski ŭ svaim telehram-kanale.
Dzie mienavita na pieradavoj pabyvaŭ prezident Ukrainy, nie adznačajecca.
22 maja Zialenski zapisaŭ videazvarot da ŭkraincaŭ u darozie. 21 maja Zialenski byŭ u Japonii na samicie G7, dzie pravioŭ sustrečy ź mižnarodnymi partniorami Ukrainy. U pryvatnaści, z prezidentam ZŠA Džo Bajdenam, nahadvaje «Ukrainskaja praŭda».
Kamientary