Kiraŭnik Hałoŭnaha ŭpraŭleńnia raźviedki Ministerstva abarony Ukrainy Kirył Budanaŭ zajaviŭ, što va Ukrainy ŭžo jość minimalna nieabchodnaja kolkaść uzbrajeńnia, kab pačać kontrnastupleńnie.
Kirył Budanaŭ. Fota: RBK
«Mnohija cyvilnyja asoby ŭsio jašče znachodziacca pad rasijskaj akupacyjaj, i my nie možam bolš hublać čas. U nas užo jość minimum zbroi i inšaha abstalavańnia. Usio, što ja mahu skazać, heta toje, što heta pačniecca nieŭzabavie», — skazaŭ jon u intervju japonskamu kanału NHK.
Budanaŭ adznačyŭ, što Ukraina budzie vykarystoŭvać usie najaŭnyja siły i srodki dla taho, kab vyhnać Rasiju z ukrainskich terytoryj. Dla paśpiachovaj apieracyi, pavodle jaho słoŭ, spatrebicca «značny zapas zbroi i bojeprypasaŭ».
Kamientary