Narešcie prydumali, što rabić z domam, dzie naradziŭsia Hitler

U domie ŭ aŭstryjskim miastečku Braŭnau-am-In, dzie naradziŭsia Adolf Hitler, źbirajucca raźmiaścić kursy pavyšeńnia kvalifikacyi dla palicejskich, na jakich buduć vyvučać pravy čałavieka, piša Bi-bi-si.

Adolf Hitler naradziŭsia ŭ hetym staradaŭnim domie, u zdymnym pakoi na apošnim, trecim, paviersie ŭ 1889 hodzie i pravioŭ u im niemaŭlatkam usiaho niekalki miesiacaŭ, ale hety fakt i ciapier, praz amal 80 hadoŭ paśla razhromu nacyzmu, robić hety dom abjektam pavyšanaj uvahi, kanfliktaŭ i dyskusij.

Urad vykupiŭ hety dom va ŭładalnicy ŭ prymusovym paradku paśla doŭhaj ciažby ŭ 2016 hodzie, i ciapier płanuje vosieńniu pačać jaho pierabudovu, kab raźmiaścić tam kursy palicejskich.

Adnak mnohija aŭstryjcy patrabujuć źnieści dom, kab jon nie słužyŭ miescam pakłanieńnia dla nieanacystaŭ, i heta patrabavańnie padtrymała ŭ 2016 hodzie śpiecyjalna stvoranaja ekśpiertnaja kamisija.

Inšyja ž tady, u 2016 hodzie, vystupali za toje, kab zrabić u domie centr pryjomu biežancaŭ (heta byŭ pieryjad vialikaj chvali biežancaŭ ź Blizkaha Uschodu, pierš za ŭsio ź Siryi).

Trecija chacieli zrabić u im muziej vyzvaleńnia Aŭstryi ad nacyzmu i kazali, što znos doma budzie addavać retušavańniem historyi krainy.

Čaćviortyja prosta vystupali suprać znosu doma XVII stahodździa pabudovy, tamu što jon jość častkaj staroha horada Braŭnau-am-Ina.

U vyniku MUS vyrašyła raźmiaścić u im kursy. Pierabudova pavinna zaviaršycca da 2025 hoda.

U hady nacyzmu hety dom u miastečku na paŭnočnym zachadzie Aŭstryi, prosta na miažy ź Niamieččynaj byŭ pieratvorany ŭ miesca pakłanieńnia Hitleru i pryciahvaŭ natoŭpy turystaŭ.

Zatym, paśla vajny, na praciahu niekalkich dziasiatkaŭ hadoŭ urad Aŭstryi arandavaŭ dom u jaho ŭładalnicy Hierlindy Pomier. Jana atrymała dom u spadčynu ad maci, a taja kupiła jaho adrazu paśla vajny ŭ byłoha vysokapastaŭlenaha čynoŭnika nacysckaha režymu.

Urad pasialiŭ u domie dabračynnuju arhanizacyju, jakaja dahladała ludziej z asablivymi patrebami.

Zatym Hierlinda Pomier zasupraciŭlałasia płanam pravieści ramont, i damova ab arendzie była prypyniena.

Paśla piaci hadoŭ piarečańniaŭ ułady Aŭstryi pryniali zakon, pavodle jakoha prymusova vykupili dom za 800 tysiač jeŭra. Frau Pomier padała ŭ sud, i praz try hady sud pryniaŭ rašeńnie, što ŭrad pavinien zapłacić joj 1,5 młn jeŭra.

Pierad domam ustalavany kamień z kamieniałomni nacysckaha kancłahiera Maŭtchaŭzien z nadpisam «Dziela miru, svabody i demakratyi. Fašyzm nie pavinien paŭtarycca. Miljony zahinułych pieraścierahajuć».

• 34
• 0
• 0
• 2
• 5
• 1
• 9
• 0