Vyśvietliłasia, kolki ŭsiaho ŭ sukupnaści isnavała tyranazaŭraŭ da hłabalnaha vymirańnia

Novaje daśledavańnie vyznačyła najbolš realistyčnuju kolkaść usich tyranazaŭraŭ, jakija kali-niebudź isnavali na Ziamli da sutyknieńnia płaniety z asteroidam. Pra heta 22 maja napisała navukovaje vydańnie Science Alert.

Pavodle infarmacyi Jevy Hrybieler, evalucyjnaha ekołaha z Majnckaha ŭniviersiteta imia Jochanesa Hutenbierha ŭ Hiermanii, hetaja kolkaść składała kala 1,7 miljarda asobin. Niahledziačy na takuju vialikuju ličbu, hety pakazčyk prykładna na 800 miljonaŭ tyranazaŭraŭ mienšy, čym danyja, atrymanyja ŭ minułych daśledavańniach 2021 hoda.

Tady navukoŭcy naličyli kala 2,5 miljarda tyranazaŭraŭ, adnak jany pry hetym značna pieraacanili kaeficyjent ich vyžyvalnaści i zdolnaści da razmnažeńnia. Novaja madel daśledavańnia źniziła hetyja pakazčyki da bolš realistyčnaha ŭzroŭniu i ŭličyła ŭsio tyja ž zychodnyja danyja.

«U aryhinalnym daśledavańni była składanaja madel, jakaja ŭličvała šerah roznych pieramiennych, naprykład, siaredniuju masu cieła, ščylnaść zasialeńnia, pryblizny hieahrafičny dyjapazon, uzrost seksualnaj stałaści, kolkaść adkładzienych jajek, siaredniuju praciahłaść žyćcia, kaeficyjent vyžyvalnaści i hetak dalej. Adnak pry hetym kaeficyjenty vyžyvalnaści i razmnažeńnia byli pierabolšany.

U novaj madeli hetyja kaeficyjenty byli źnižany da realistyčnaha ŭzroŭniu, i ŭ vyniku akazałasia, što ŭ kožnym pakaleńni tyranazaŭraŭ było pa 19 000 asobin, a ŭsiaho isnavała kala 90 000 pakaleńniaŭ. Heta značyć, što maksimalnaja kolkaść tyranazaŭraŭ, jakija mahli kali-niebudź isnavać, składała 1,7 miljarda», — paviedamiła ekołah Jeva Hrybieler, hruntujučysia na vysnovach svajho daśledavańnia.

Adzin z aŭtaraŭ papiarednich daśledavańniaŭ, paleantołah Kalifarnijskaha ŭniviersiteta ŭ Berkli Čarlz Maršał uchvaliŭ pracu Jevy Hrybieler i padkreśliŭ, što novaja ličba moža być bolš praŭdzivaj, čym minułyja pakazčyki.

Adnak navukoŭcam da hetaha času nie daje spakoju adno važnaje pytańnie: navat pry takoj źnižanaj, ale ŭsio roŭna vielizarnaj kolkaści tyranazaŭraŭ, čamu dahetul znojdzieny tolki nikčemny adsotak ich reštkaŭ? Kudy padzielisia ŭsie astatnija?

Čytajcie jašče:

U Partuhalii ŭ sadzie znajšli najbujniejšy ŭ Jeŭropie škilet dynazaŭra

Zubny kamień nieandertalcaŭ daŭ materyjał dla antybijotyku novaha pakaleńnia

Čamu 3000 hadoŭ tamu čałaviečy mozh byŭ bolšy

• 11
• 0
• 6
• 4
• 9
• 0
• 3
• 0