Pastaru z Novałukomla paśla krasavickaha zatrymańnia dadali jašče 15 sutak
Sudździa suda Čašnickaha rajona Iryna Kručynina 12 maja razhledzieła administracyjnuju spravu ŭ dačynieńni da pastara jevanhielskaj carkvy Novałukomla Alaksandra Zareckaha. Za raspaŭsiud «ekstremisckich» materyjałaŭ u sacyjalnych sietkach sudździa pakarała jaho aryštam na 15 sutak, piša «Viciebskaja viasna».
Pastara Carkvy chryścijan viery jevanhielskaj Alaksandra Zareckaha zatrymali ŭ minułym miesiacy. 21 krasavika sudździa Kručynina ŭžo aryštoŭvała pastara na toj ža termin. Zareckaha asudzili za «raspaŭsiudžvańnie ekstremisckich materyjałaŭ» (č. 2 art. 19.11 KaAP), za «łajki» i kamientaryi da materyjałaŭ ź internet-resursaŭ, pryznanych ekstremisckimi.
Padčas sudovaha raźbiralnictva sudździa Kručynina ŭstanaviła, jak paviedamlajuć pravaabaroncy, što na asabistaj staroncy ŭ fejsbuku Zarecki raźmiaściŭ i zachoŭvaŭ fatahrafiju siabie ź dziciem na fonie bčb-ściaha.
Pry hetym sudździa Kručynina choć i pryznała najaŭnaść źmiakčalnych akaličnaściej pa spravie (u Zareckaha na ŭtrymańni troje małaletnich dziaciej), tym nie mienš vyniesła maksimalnaje pa artykule pakarańnie ŭ vyhladzie aryštu na 15 sutak i kanfiskavała telefon pastara.
-
U Litvie praciahvaje skaračacca kolkaść biełarusaŭ. Jak za hod źmianilisia ličby
-
«Heta maja vialikaja pieravaha, što ja nie sprabuju siłaj niejak utrymać uładu». Łukašenka paabiacaŭ biełarusam składany hod
-
«Miarkuju, Makiej by ŭchvaliŭ». Aŭtar pomnika kiraŭniku MZS raskazaŭ, jakija sensy ŭkłaŭ u jaho
«Miarkuju, Makiej by ŭchvaliŭ». Aŭtar pomnika kiraŭniku MZS raskazaŭ, jakija sensy ŭkłaŭ u jaho7
Kamientary