Łaŭreat Nobieleŭskaj premii pa miedycynie 2008 hoda pamior va ŭzroście 87 hadoŭ. Jaho daśledavańni papiłomavirusaŭ dapamahli stvaryć vakcynu dla abarony ad raku šyjki matki.
Łaŭreat Nobieleŭskaj premii pa miedycynie 2008 hoda Charald cur Chaŭzien pamior va ŭzroście 87 hadoŭ. Pra heta paviedamiła pres-słužba niamieckaha Centra daśledavańnia raku (DKFZ) u Hiejdelbierhu, jaki miedyk uznačalvaŭ 20 hadoŭ — z 1983-ha da 2003-ha. Pryčyna śmierci nie ŭdakładniajecca, piša Deutsche Welle.
«Svaimi daśledavańniami Charald cur Chaŭzien zakłaŭ asnovu dla raspracoŭki vakcyny, jakaja abaraniaje ad virusaŭ papiłomy čałavieka, što vyklikajuć rakavyja zachvorvańni. Miljony ludziej va ŭsim śviecie ciapier karystajucca hetym navukovym dasiahnieńniem», — havorycca ŭ paviedamleńni, apublikavanym na sajcie DKFZ. «Nie budzie pierabolšańniem skazać, što Charald cur Chaŭzien adkryŭ zusim novaje vymiareńnie ŭ prafiłaktycy raku», — padkreśliŭ ciapierašni dyrektar DKFZ Michael Baŭman.
Cur Chaŭzien vyśvietliŭ, jakuju rolu papiłomavirusy hrajuć u raźvićci raku šyjki matki, što dazvoliła stvaryć vakcynu suprać hetaha virusa. Akramia Nobieleŭskaj premii ŭ halinie miedycyny i fizijałohii, jon atrymaŭ za svaje daśledavańni mnostva inšych prestyžnych uznaharod. Akramia taho, daśledčyku było prysvojena amal 40 hanarovych doktarskich stupieniaŭ. U 2009 hodzie cur Chaŭzien atrymaŭ orden «Za zasłuhi pierad Fiederatyŭnaj Respublikaj Niamieččyna». U 2017 hodzie horad Hiejdelbierh zrabiŭ jaho svaim hanarovym hramadzianinam.
-
Kaja Kałas — biełarusam: Vy možacie raźličvać na Jeŭrapiejski sajuz. Bolšaść krain ES vyjšli z chałodnaha aŭtarytarnaha minułaha
-
Na Teneryfie hihanckaja chvala zabrała žyćci troch turystaŭ
-
Praz zachrasłyja ŭ Biełarusi litoŭskija hruzaviki ŭ Vilni projdzie pratest pieravozčykaŭ— furami zastaviać centr horada
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary