Na pasadu staršyni futbolnaha kłuba «Dniapro-Mahiloŭ», jaki vystupaje ŭ pieršaj lizie, pryznačany Siarhiej Kapytaŭ.
«Skłaŭsia dla hetaha šerah abstavinaŭ. Ja, ščyra skažu, siudy nie źbiraŭsia, — raskazaŭ Siarhiej Kapytaŭ pres-słužbie kamandy. —Mianie siudy zaprašali i 10 hadoŭ tamu, i 5 hadoŭ tamu. Ale byŭ nie hatovy. Mnie było niaprosta źjechać ź Minska. Heta pieršaje. Tam usio ž taki ŭ mianie žonka i dzieci, praca. Ja pracavaŭ u takoj struktury, ź jakoj nie tak užo i prosta pajści.
A čamu «Dniapro»? Ja choć i hulaŭ u baskietboł, ale na ŭsie futbolnyja matčy chadziŭ. Na stadyjonie «Spartak» mnohich pa mahiloŭskich mierkach vialikich futbalistaŭ asabista bačyŭ: Kabrankoŭ, Nastašeŭski, «załaty» skład «Dniapra». U mianie da hetaha času z mnohimi chłopcami dobryja stasunki, u svoj čas akazvaŭ im peŭnuju dapamohu».
«Choć i pražyŭ ahułam 18 hadoŭ u Minsku, ale minčukom nie staŭ. Ja ŭsio adno mahiloviec, za hety horad zaŭsiody pieražyvaŭ i za «Dniapro» ŭ tym liku. Heta tolki apošni hod nie chadziŭ u Mahilovie na futboł. Da hetaha byŭ pastajannym hościem na matčach «Dniapra». Historyja ŭ kłuba vielmi bahataja», — patłumačyŭ jon.
U jaho płanach viarnuć kłub u vyšejšuju lihu (ciapier «Dniapro» vystupaje ŭ pieršaj) i zamacavacca ŭ joj.
Raniej Siarhiej Kapytaŭ pracavaŭ u prakuratury Mahiloŭskaj, a zatym Minskaj vobłaści, dzie ŭznačalvaŭ adździeł pa nahladzie za vykanańniem zakanadaŭstva abłasnym USK.
«Dniapro» (Mahiloŭ) byŭ čempijonam krainy ŭ 1998 hodzie, a ŭ 2019 hodzie vylecieŭ z vyšejšaj lihi i praź finansavyja prablemy byŭ raspuščany, paśla čaho adnoŭleny pad nazvaj «Dniapro-Mahiloŭ».
Kłub, jaki zaniaŭ 9-je miesca ŭ čempijanacie Biełarusi, vystupić u jeŭrakubkach. Jak takoje mahčyma?
Ź biełaruskich futbolnych kłubaŭ praciahvajuć zdymać ački
U salihorskaha «Šachciora» zabrali čempijonstva 2022 hoda, a taksama 30 ačkoŭ u hetym siezonie
Čamu apošni kiejs z dahavarniakami ŭ biełaruskim futbole — lutaja hańba
Chto taja žančyna, jakuju Marzaluk u efiry BT abazvaŭ «švallu z Hrodna», i što jana piša ŭ čatach? Raskazvajem pra doktarku Stefanovič10
Kamientary