Eks-palitviazień Kabanaŭ vyznačyŭsia, ź jakim z «Bajpołaŭ» jon budzie pracavać
«Ja zastaŭsia z kalektyvam, ź jakim pracavaŭ da hetaha».
Eks-palitviazień Kabanaŭ praciahnie pracu ŭ «Bajpole» paśla rearhanizacyi abjadnańnia. Kabanaŭ — pres-sakratar abjadnańnia.
Błohier paviedamiŭ «Pozirku», što budzie pracavać u kamandzie Maćvieja Kuprejčyka, Uładzimira Žyhara i inšych supracoŭnikaŭ arhanizacyi, jakija majuć namier adździalicca ad fondu «Bajpoł», što ŭznačalvaje Alaksandr Azaraŭ.
«Ja zastaŭsia z kalektyvam, ź jakim pracavaŭ da hetaha, — skazaŭ Kabanaŭ. — U nas była razmova z chłopcami, jany skazali: my chočam, kab ty supracoŭničaŭ z nami i nadalej. Takuju dziejnaść ja liču karysnaj».
Eks-palitviazień adznačyŭ, što jaho dziejnaść u arhanizacyi zastaniecca raniejšaj: «Udzielničać u rasśledavańniach — rabić ich publičnymi, stvarać kantent i hetak dalej, zajmacca miedyjkaj, infarmacyjnaj padtrymkaj».
Situacyju, što ŭźnikła ŭ «Bajpole», Kabanaŭ nazvaŭ niepryjemnaj, pakolki jana «bje i pa arhanizacyi, i pa demsiłach». «Ale heta nie značyć, što treba na ŭsim pastavić kryž. Ciapier nieabchodna pracaj dakazać, što my patrebnyja i my važnyja. Reputacyja stvarajecca nie zajavami», — padsumavaŭ eks-palitviazień.
Nahadajem, na minułym tydni ŭ «Bajpole» adbyŭsia skandał. Alaksandr Azaraŭ apublikavaŭ videa, u jakim zajaviŭ, što «Bajpoł» straciŭ dostup da svaich miedyjaresursaŭ, usie paroli zastalisia ŭ rasparadžeńni byłoha supracoŭnika arhanizacyi Maćvieja Kuprejčyka, jaki admoviŭsia prajści palihraf, za što i byŭ zvolnieny z arhanizacyi.
Paźniej u telehram-kanale «Bajpoła» źjaviŭsia zapis, u jakim abvinavačańni prahučali ŭ adras samoha Alaksandra Azarava.
Poŭnuju chranałohiju kanfliktu ŭ «Bajpole» vy možacie pračytać tut.
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy14
Kamientary