Test na 60 vidaŭ raku zaraz možna budzie zdać i ŭ Minsku

Inavacyjny test na vyjaŭleńnie ankałahičnych zachvorvańniaŭ budzie dastupny ŭ «Invitra» z 20 červienia, raspaviali Tochka.by ŭ pres-słužbie miedycynskaj kampanii.

Pravodzicca analizy buduć z dapamohaj daśledavańnia Pantum Detect. Heta test dla vyjaŭleńnia bijachimičnych prykmiet bolš za 60 vidaŭ ankałahičnych zachvorvańniaŭ. Asnoŭnaja meta daśledavańnia — vyjaŭleńnie pieradrakavaj puchliny abo mahčymaj ankałahičnaj patałohii na rańnich stadyjach, navat kali jašče niama pieršych prykmiet zachvorvańnia.

Padčas kliničnych vyprabavańniaŭ Pantum Detect pakazaŭ nastupnyja vyniki:

• dyjahnastyčnaja adčuvalnaść test-sistemy — nie mienš za 95%;
• dyjahnastyčnaja śpiecyfičnaść test-sistemy — nie mienš 97%.

Jak patłumačyŭ zahadčyk łabaratoryi «Invitra» Alaksiej Vydrycki, rak časta nie vyjaŭlajuć datul, pakul nie źjaŭlajucca simptomy.

«Rańniaja dyjahnostyka i vyjaŭleńnie raku značna pavyšaje šancy na paśpiachovy vynik. Šancy na vylačeńnie ŭ bolšaści vypadkaŭ buduć vyšejšyja, kali rak budzie vyjaŭleny raniej i adrazu budzie pačata terapija», — adznačyŭ Alaksiej Vydrycki.

Važny niuans: PanTum Detect nie zamianiaje isnujučych rehularnych dyjahnastyčnych i skryninhavych prahram, heta daśledavańnie ich dapaŭniaje.

Zdać bijamateryjał možna ŭ nastupnych miedycynskich ofisach «Invitra».

Minsk

• vuł. Siarhieja Jasienina, 60
• vuł. Skryhanava, 4b, pam. 488
• pr-t Pieramožcaŭ, 127
• vuł. Surhanava, 88
• Łahojski trakt, 25
• pr-t Niezaležnaści, 109
• vuł. Lejtenanta Kižavatava, 7/2
• vuł. Sucharaŭskaja, 46
• vuł. Prytyckaha, 97
• pr-t Partyzanski, 54
• vuł. M. Tanka, 4
• pr-t Niezaležnaści, 40
• vuł. Mahiloŭskaja, 14
• vuł. Iosifa Žynoviča, 22
• vuł. Brykieta, 30
• pr-t Dziaržynskaha, 94

Viciebsk

• pr-t Maskoŭski, d. 103
• vuł. Kamunistyčnaja, 23

Dla papiaredniaha zapisu ŭžo možna źviartacca pa telefonach: 7807 (A1, MTS, Life), +375 (17) 222-21-31.

Jak pracuje test

PanTum Detect vyvučaje makrafahaŭ — heta ruchomyja kletki imunnaj sistemy, jakija pahłynajuć i «pieratraŭlivajuć» čužarodnyja dla arhanizma čaścinki, u tym liku i rakavyja kletki.

Takija makrafahi, kali dla ich znachodzicca «praca», vychodziać z kryvi, ruchajucca ŭ tkanki i źniščajuć kletki puchliny, a zatym viartajucca nazad na svajo miesca — u pieryfieryčnuju kroŭ.

Atrymlivajecca, što kiepskija kletki kancentrujucca ŭ makrafahach, i tady ich možna daśledavać i vielmi dakładna vyznačyć dapuščalnyja vieličyni z dapamohaj štučnaha intelektu.

Jak tłumačyli raniej u Ministerstvie achovy zdaroŭja, paśla atrymańnia vynikaŭ analizu pacyjenty, u jakich daśledavańnie pakazała padazreńnie na puchlinu (stanoŭčy vynik testu), pavinny buduć nieadkładna nakiroŭvacca na detalovaje abśledavańnie ŭ miedustanovy z metaj paćviardžeńnia abo vyklučeńnia dyjahnazu.

Test PanTum Detect moža «znachodzić» bolš za 60 vidaŭ ankałahičnych zachvorvańniaŭ na roznych stadyjach i navat pieradrak (nulavuju stadyju). Pryčym hety test zdolny vyjaŭlać navat tyja vidy ankałohij, dla jakich siońnia prosta nie isnuje dastupnaj mietodyki rańniaha skryninhu.

Raniej paviedamlałasia, što analiz dla hramadzian Biełarusi kaštuje 330 rubloŭ, dla zamiežnikaŭ — 430 rubloŭ.

• 6
• 0
• 0
• 0
• 0