Здароўе11

Тэст на 60 відаў раку зараз можна будзе здаць і ў Мінску

Новы метад па выяўленні пухліны на самых розных стадыях узяла на ўзбраенне буйная незалежная лабараторыя.

Фота: «Наша Ніва»

Інавацыйны тэст на выяўленне анкалагічных захворванняў будзе даступны ў «Інвітра» з 20 чэрвеня, распавялі Tochka.by ў прэс-службе медыцынскай кампаніі.

Праводзіцца аналізы будуць з дапамогай даследавання Pantum Detect. Гэта тэст для выяўлення біяхімічных прыкмет больш за 60 відаў анкалагічных захворванняў. Асноўная мэта даследавання — выяўленне перадракавай пухліны або магчымай анкалагічнай паталогіі на ранніх стадыях, нават калі яшчэ няма першых прыкмет захворвання.

Падчас клінічных выпрабаванняў Pantum Detect паказаў наступныя вынікі:

  • дыягнастычная адчувальнасць тэст-сістэмы — не менш за 95%;
  • дыягнастычная спецыфічнасць тэст-сістэмы — не менш 97%.

Як патлумачыў загадчык лабараторыі «Інвітра» Аляксей Выдрыцкі, рак часта не выяўляюць датуль, пакуль не з'яўляюцца сімптомы.

«Ранняя дыягностыка і выяўленне раку значна павышае шанцы на паспяховы вынік. Шанцы на вылячэнне ў большасці выпадкаў будуць вышэйшыя, калі рак будзе выяўлены раней і адразу будзе пачата тэрапія», — адзначыў Аляксей Выдрыцкі.

Важны нюанс: PanTum Detect не замяняе існуючых рэгулярных дыягнастычных і скрынінгавых праграм, гэта даследаванне іх дапаўняе.

Здаць біяматэрыял можна ў наступных медыцынскіх офісах «Інвітра».

Мінск

  • вул. Сяргея Ясеніна, 60
  • вул. Скрыганава, 4б, пам. 488
  • пр-т Пераможцаў, 127
  • вул. Сурганава, 88
  • Лагойскі тракт, 25
  • пр-т Незалежнасці, 109
  • вул. Лейтэнанта Кіжаватава, 7/2
  • вул. Сухараўская, 46
  • вул. Прытыцкага, 97
  • пр-т Партызанскі, 54
  • вул. М. Танка, 4
  • пр-т Незалежнасці, 40
  • вул. Магілёўская, 14
  • вул. Іосіфа Жыновіча, 22
  • вул. Брыкета, 30
  • пр-т Дзяржынскага, 94

Віцебск

  • пр-т Маскоўскі, д. 103
  • вул. Камуністычная, 23

Для папярэдняга запісу ўжо можна звяртацца па тэлефонах: 7807 (А1, МТС, Life), +375 (17) 222-21-31.

Як працуе тэст

PanTum Detect вывучае макрафагаў — гэта рухомыя клеткі імуннай сістэмы, якія паглынаюць і «ператраўліваюць» чужародныя для арганізма часцінкі, у тым ліку і ракавыя клеткі.

Такія макрафагі, калі для іх знаходзіцца «праца», выходзяць з крыві, рухаюцца ў тканкі і знішчаюць клеткі пухліны, а затым вяртаюцца назад на сваё месца — у перыферычную кроў.

Атрымліваецца, што кепскія клеткі канцэнтруюцца ў макрафагах, і тады іх можна даследаваць і вельмі дакладна вызначыць дапушчальныя велічыні з дапамогай штучнага інтэлекту.

Як тлумачылі раней у Міністэрстве аховы здароўя, пасля атрымання вынікаў аналізу пацыенты, у якіх даследаванне паказала падазрэнне на пухліну (станоўчы вынік тэсту), павінны будуць неадкладна накіроўвацца на дэталёвае абследаванне ў медустановы з мэтай пацвярджэння або выключэння дыягназу.

Тэст PanTum Detect можа «знаходзіць» больш за 60 відаў анкалагічных захворванняў на розных стадыях і нават перадрак (нулявую стадыю). Прычым гэты тэст здольны выяўляць нават тыя віды анкалогій, для якіх сёння проста не існуе даступнай методыкі ранняга скрынінгу.

Раней паведамлялася, што аналіз для грамадзян Беларусі каштуе 330 рублёў, для замежнікаў — 430 рублёў.

Каментары1

  • Илья
    16.06.2023
    Немецкий тест кстати

Месяцы карцару і два з паловай гады без сонца. Як малады мінчук прайшоў праз калонію і крытую турму

Месяцы карцару і два з паловай гады без сонца. Як малады мінчук прайшоў праз калонію і крытую турму

Усе навіны →
Усе навіны

Пад Масквой разбіўся пасажырскі самалёт Sukhoi Superjet-1008

Мінулая ноч у Мінску была «агурковай». Гэта як?2

Джэніфер Лопес і Бэн Афлек выставілі на продаж шыкоўны асабняк у Беверлі-Хілз ФОТЫ1

Вядомы беларускі арбітр апынуўся за кратамі за стварэнне «экстрэмісцкага» чата1

Расіянін сярод белага дня зладзіў дрыфт на праспекце Пераможцаў. ДАІ яго знайшла і прымусіла выбачацца2

«Фактар ​​Свіфт». Амерыканская грамадскасць чакае заявы Тэйлар Свіфт наконт Байдэна4

YouTube у Расіі могуць заблакаваць у верасні, пішуць СМІ. У Крамлі называюць гэта няпраўдай4

У цэнтры Мінска грузавік захрас пад мостам — кіроўца не ацаніў вышыні грузу1

Белгідрамет упершыню сёлета абвясціў максімальны чырвоны ўзровень небяспекі

больш чытаных навін
больш лайканых навін

Месяцы карцару і два з паловай гады без сонца. Як малады мінчук прайшоў праз калонію і крытую турму

Месяцы карцару і два з паловай гады без сонца. Як малады мінчук прайшоў праз калонію і крытую турму

Галоўнае
Усе навіны →