Prakopjevu prysudzili zavočna 25 hadoŭ źniavoleńnia. Dzie ciapier jon sam i čym zajmajecca?
Siońnia vynieśli prysud pa spravie nibyta padpału doma Aleha Hajdukieviča ŭ červieni 2021 hoda. Hałoŭnym «złačyncam» i arhanizataram hrupy zmoŭščykaŭ ułady pryznačyli Vadzima Prakopjeva. Jamu zavočna dali 25 hadoŭ pazbaŭleńnia voli va ŭmovach uzmocnienaha režymu, ź ich 5 hadoŭ turmy.
Vadzim Prakopjeŭ ad razhornutych kamientaroŭ pa kryminalnaj spravie admoviŭsia.
«Sapraŭdnyja złačyncy na voli», — koratka skazaŭ jon «Našaj Nivie».
Pra dziejnaść Prakopjeva daŭno nie było čuvać. Da 2020-ha jon byŭ viadomym restarataram i na chvali vybarčych padziej zapisaŭ rezkija videazvaroty da Łukašenki i Jarmošynaj, jakija razyšlisia na cytaty. Paśla pačatku vajny ŭ 2022-m Prakopjeŭ staŭ idejnym natchnialnikam pałka «Pahonia», dzie vajujuć biełaruskija dobraachvotniki. Ale ŭ vieraśni minułaha hoda źjaviłasia infarmacyja, što jon pakidaje połk i pasadu pamočnika kamandzira, kab dapamahać Valeryju Sachaščyku.
Ciapier, aproč palityčnaj aktyŭnaści, Prakopjeŭ sa svajoj dobraj anhlijskaj movaj pracuje namieśnikam dyrektara ŭ polskaj łahistyčnaj kampanii.
Čytajcie taksama:
«Zmova siłavikoŭ»: chto tyja aficery, jakich sudziać razam z Prakopjevym
Siłaviki razhramili M1 — samaje papularnaje ŭ rasijan biełaruskaje kazino7
Kamientary