Žurnalista Dźmitryja Siemčanku pieraviali ŭ ivacevickuju kałoniju
Dzmitryj — žurnalist i televiadoŭca, jaki raniej zajmaŭ pasadu ŭ «prezidenckim pule» telekanała ANT.
15 vieraśnia Siemčanku zatrymali razam ź jaho žonkaj i prysudzili jamu 15 sutak administracyjnaha aryštu. Paźniej stała viadoma, što suprać jaho raspačali kryminalnuju spravu. Jaho abvinavacili pavodle č. 1 art. 130 KK (Raspalvańnie sacyjalnaj varožaści ci varažniečy).
Sudździa Jaŭhien Pisarevič 23 sakavika asudziŭ Siemčanku da 3 hadoŭ kałonii.
U Viarchoŭnym sudzie 23 maja razhledzieli apielacyjnuju skarhu palitviaźnia. Sudździa Alaksiej Rybakoŭ pakinuŭ prysud u sile, a skarhu — biez zadavalnieńnia.
Niadaŭna Dźmitryja pieraviali ŭ ivacevickuju kałoniju №22, jak paviedamlajuć pravaabaroncy.
Adras dla padtrymki: PK № 22. 225295, Bresckaja vobłaść, h. Ivacevičy, st. Damanava, a/s 20, Dzmitryj Viktaravič Siemčanka (na kanviertach treba pisać «karancin»)
Kaho z palitviaźniaŭ mohuć vypuścić paśla anonsu Łukašenki?3
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary