Biełaruś uviała zabaronu na ŭjezd pryčepaŭ i paŭpryčepaŭ z Polščy
U Biełarusi źmianili farmuloŭku zabarony na ŭjezd transpartnych srodkaŭ, zarehistravanych u ES. Heta zroblena pastanovaj urada ad 19 červienia, apublikavanaj siońnia na Nacyjanalnym pravavym partale. Pastanova ŭstupaje ŭ siłu praz 10 dzion.
Raniej farmuloŭka hučała tak:
«Ustanavić zabaronu na pieramiaščeńnie pa terytoryi Respubliki Biełaruś hruzavych aŭtamabilaŭ i ciahačoŭ, zarehistravanych u dziaržavach — siabrach ES».
Ciapier ža jaje pašyryli da nastupnaj:
«Ustanavić zabaronu na pieramiaščeńnie pa terytoryi Respubliki Biełaruś:
- hruzavych aŭtamabilaŭ i ciahačoŭ, zarehistravanych u dziaržavach — siabrach Jeŭrapiejskaha sajuza;
- pryčepaŭ (paŭpryčepaŭ), zarehistravanych u Respublicy Polšča;
- lehkavych aŭtamabilaŭ, jakija majuć rehistracyju ŭ Respublicy Polšča i jakija ažyćciaŭlajuć mižnarodnuju pieravozku ŭ adpaviednaści ź indyvidualnymi nakładnymi abo mižnarodnymi tavarna-transpartnymi nakładnymi «CMR».
***
Z 1 červienia 2023 hoda Polšča ŭviała poŭnuju zabaronu na pieramiaščeńnie praź biełaruska-polskuju miažu ŭsich vidaŭ biełaruskich i rasijskich hruzavych aŭtatranspartnych srodkaŭ, u tym liku pryčepaŭ i paŭpryčepaŭ.
23 lutaha 2023 hoda ministr abarony Polščy Maryjuš Błaščak zajaviŭ, što Polšča pačała «previentyŭnaje pašyreńnie mier biaśpieki» na miažy ź Biełaruśsiu i Rasijaj. A 9 sakavika palaki paśla ŭźviadzieńnia ŭmacavańniaŭ na miažy z rasijskaj Kalininhradskaj vobłaściu pierajšli i da abstalavańnia miažy ź Biełaruśsiu.
Polšča zakryła miažu dla pryčepaŭ na biełaruskich i rasijskich numarach — jak heta adabjecca na Biełarusi?
MZS Biełarusi paabiacała «asimietryčny adkaz» Polščy na abmiežavańni. I pastaviła ŭ vinu «pramy ŭdzieł u vajnie na baku kijeŭskaha režymu»
«Kali Pačobuta adpuściać zaŭtra, to pierachod u «Babroŭnikach» budzie adkryty paślazaŭtra», — kiraŭnik MUS Polščy
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?12
Kamientary