Беларусь увяла забарону на ўезд прычэпаў і паўпрычэпаў з Польшчы
У Беларусі змянілі фармулёўку забароны на ўезд транспартных сродкаў, зарэгістраваных у ЕС. Гэта зроблена пастановай урада ад 19 чэрвеня, апублікаванай сёння на Нацыянальным прававым партале. Пастанова ўступае ў сілу праз 10 дзён.
Раней фармулёўка гучала так:
«Устанавіць забарону на перамяшчэнне па тэрыторыі Рэспублікі Беларусь грузавых аўтамабіляў і цягачоў, зарэгістраваных у дзяржавах — сябрах ЕС».
Цяпер жа яе пашырылі да наступнай:
«Устанавіць забарону на перамяшчэнне па тэрыторыі Рэспублікі Беларусь:
- грузавых аўтамабіляў і цягачоў, зарэгістраваных у дзяржавах — сябрах Еўрапейскага саюза;
- прычэпаў (паўпрычэпаў), зарэгістраваных у Рэспубліцы Польшча;
- легкавых аўтамабіляў, якія маюць рэгістрацыю ў Рэспубліцы Польшча і якія ажыццяўляюць міжнародную перавозку ў адпаведнасці з індывідуальнымі накладнымі або міжнароднымі таварна-транспартнымі накладнымі «CMR».
***
З 1 чэрвеня 2023 года Польшча ўвяла поўную забарону на перамяшчэнне праз беларуска-польскую мяжу ўсіх відаў беларускіх і расійскіх грузавых аўтатранспартных сродкаў, у тым ліку прычэпаў і паўпрычэпаў.
23 лютага 2023 года міністр абароны Польшчы Марыюш Блашчак заявіў, што Польшча пачала «прэвентыўнае пашырэнне мер бяспекі» на мяжы з Беларуссю і Расіяй. А 9 сакавіка палякі пасля ўзвядзення ўмацаванняў на мяжы з расійскай Калінінградскай вобласцю перайшлі і да абсталявання мяжы з Беларуссю.
Польшча закрыла мяжу для прычэпаў на беларускіх і расійскіх нумарах — як гэта адаб'ецца на Беларусі?
МЗС Беларусі паабяцала «асіметрычны адказ» Польшчы на абмежаванні. І паставіла ў віну «прамы ўдзел у вайне на баку кіеўскага рэжыму»
«Калі Пачобута адпусцяць заўтра, то пераход у «Баброўніках» будзе адкрыты паслязаўтра», — кіраўнік МУС Польшчы
Ва Украіне загінула 24-гадовая беларуская добраахвотніца Марыя Зайцава17
Каментары