Kurjeru ź Viciebska dali 30 sutak za «pikiet» i «ekstremizm» u sacyjalnych sietkach
Sudździa Pieršamajskaha rajona Viciebska Natalla Karablina 31 maja pastanaviła aryštavać na 15 sutak za praviadzieńnie pikietavańnia ŭ sacsietcy «UKantakcie» kurjera Uładzimira Kazłova. Taksama taja ž sudździa 19 červienia za raspaŭsiud «ekstremizmu» ŭ sacyjalnych sietkach pakarała Uładzimira takim ža čynam.
Z raparta supracoŭnika HUBAZiKa vynikaje, što Kazłoŭ na svajoj staroncy raźmiaściŭ fatahrafii, jakija źmiaščali fota mužčyny na fonie bieł-čyrvona-biełaha koleru i z hierbam «Pahonia». Z hetaha sudździa zrabiła vysnovu, što «pravaparušalnik» publična vykazaŭ svaje pohlady na padziei hramadska-palityčnaha žyćcia na terytoryi Respubliki Biełaruś.
Pry vyniasieńni rašeńnia sudździa parušyła administracyjnaje zakanadaŭstva, bo nie ŭličyła najaŭnaść u Kazłova źmiakčalnych abstavinaŭ — najaŭnaść u jaho małaletniaha syna, piša «Viciebskaja viasna».
Kamientary