MZS: niemahčyma vydavać vizy biełarusam zamiežža na lhotnych umovach

Ministerstva zamiežnych spraŭ Biełarusi adkazała na list Mižnarodnaha hramadskaha abjadnańnia «Zhurtavańnia biełarusaŭ śvietu «Baćkaŭščyna», u jakim źmiaščaŭsia Zvarot, pryniaty na 4‑j kanfierencyi biełarusaŭ Bałtyjskaha rehijona i Biełarusi.

Zvarot u MZS byŭ pieradadzieny na prośbu Tavarystva biełaruskaj kultury ŭ Litvie. U dakumiencie delehatami kanfierencyi vykazvałasia prośba pierahledzieć košty na vizy dla svaich suajčyńnikaŭ i pa mahčymaści zrabić vizy biaspłatnymi.

U adkaz na hety zvarot Ministerstva zamiežnych spraŭ prainfarmavała «Baćkaŭščynu» pra toje, što ŭ adpaviednych vypadkach praduhledžany i vykarystoŭvajucca na praktycy «tak zvanyja «ilhotnyja» praviły ŭ adnosinach da zamiežnych hramadzian, jakija pradstaŭlajuć dla biełaruskaj dziaržavy intares u roznych halinach palityčnaha, ekanamičnaha, sacyjalnaha i kulturnaha žyćcia».

Dalej ŭ liście davodzicca, što pracedura atrymańnia biełaruskich viz zamiežnymi hramadzianami prostaja i zrazumiełaja, da taho ž žychary Łatvii, Litvy, Polščy i Estonii mohuć atrymlivać vizy terminam dziejańnia da 30 dzion biez pradstaŭleńnia zaprašeńnia. A voś hramadzianam Biełarusi dla atrymańnia viz ŭ zhadanyja krainy nieabchodna sabrać ad 10 da 14 dakumientaŭ.

Što tyčycca cany viz, to, na dumku biełaruskaha MZS,

«taryfy na vydaču biełaruskich viz žycharam Łatvii, Litvy, Polščy i Estonii źjaŭlajucca minimalnymi»,

a dalejšaje spraščeńnie vizavych pracedur mahčymaje «pry dasiahnieńni adpaviednych damoŭlenaściej pamiž Biełaruśsiu i Jeŭrasajuzam».

Staršynia Rady MHA «ZBS «Baćkaŭščyna» Nina Šydłoŭskaja adznačyła: «Z adkazu Ministerstva zamiežnych spraŭ vynikaje,

što biełarusy zamiežža, u tym liku tyja, što pracujuć na nivie biełaruščyny ŭ krainach svajho pražyvańnia, dahetul našaj dziaržavaj całkam pryraŭnoŭvajucca da inšaziemcaŭ. I my znoŭ upirajemsia ŭ adsutnaść zakona ab biełarusach zamiežža.

Na dumku kiraŭnicy MHA «ZBS «Baćkaŭščyna» Aleny Makoŭskaj, «mahčyma, hetym listom MZS chacieŭ padkreślić, što biełarusy zamiežža pavinny bolš nastojliva pracavać z uradami svaich krain u pytańni spraščeńnia vizavaj pracedury dla hramadzian Biełarusi. Ale hety mesedž byŭ by pryniaty biełaruskim zamiežžam pazityŭna, kali b biełaruskaja dziaržava zrabiła peŭnyja kroki ŭ vyrašeńni vizavaha pytańnia dla samich biełarusaŭ».

U tym ža liście MZS adkazała i na prośbu «Baćkaŭščyny» ab pradstaŭleńni biaspłatnych šmatrazovych vizaŭ siabram Vialikaj Rady MHA «ZBS «Baćkaŭščyna» — kiraŭnikam biełaruskich supołak u zamiežžy. «MZS aryjentavała adpaviednyja zamiežnyja ŭstanovy Respubliki Biełaruś adnosna afarmleńnia karotkačasovych viz dla naviedvańnia krainy siabrami Vialikaj Rady MHA «Zhurtavańnie biełarusaŭ śvietu «Baćkaŭščyna», — havorycca ŭ liście.

• 0
• 0
• 0
• 0
• 0
• 0
• 0
• 0