Zialenski paviedamiŭ, što adzin udar u Sumach pryjšoŭsia pa budynku SBU
Ranicaj 3 lipienia drony «Šachied» nanieśli ŭdary pa ŭkrainskim horadzie Sumy. U vyniku dva čałavieki zahinuli, jašče 19 paciarpieli.
Paviedamlałasia, što drony-kamikadze paškodzili administracyjny budynak i dva šmatkvaternyja žyłyja damy. Ciapier stała viadoma, pra jaki administracyjny budynak išła razmova — heta budynak SBU.
U viečarovym zvarocie prezident Ukrainy Uładzimir Zialenski padziakavaŭ zienitčykam za abaronu nieba, ale adznačyŭ, što Ukraina pakul nie maje dastatkovaj kolkaści jakasnych sistem SPA, kab abaranić usiu terytoryju.
«Vorah hetym karystajecca, jak siońnia, kali nanios čarhovy terarystyčny ŭdar pa horadzie Sumy iranskim dronam, u pryvatnaści, pa žyłych damach, a taksama pa budynku Słužby biaśpieki Ukrainy. U vyniku hetych udaraŭ jość paranienyja, jość zahinułyja», — paviedamiŭ Zialenski i vykazaŭ spačuvańni.
Ciapier čytajuć
Biełaruska narakaje, što siem hadoŭ nie moža znajści pastajannuju pracu. A ŭ emihracyi stała jašče składaniej11
Kamientary