Biełaruś padpisała płany ab vajskovaj supracy ź Litvoj, Polščaj
Płan mierapryjemstvaŭ vajennaha supracoŭnictva pamiž ministerstvami abarony Biełarusi i Litvy na 2010 hod padpisany 24 listapada ŭ Minsku.
Podpisy pad dakumientam pastavili načalnik upraŭleńnia mižnarodnaha vajennaha supracoŭnictva Minabarony Biełarusi Ihar Zaroŭkin i dyrektar departamienta mižnarodnych adnosinaŭ i apieracyj Minabarony Litvy Robiertas Šapronas.
Jak paviedamiła pres‑słužba biełaruskaha Ministerstva abarony, płanam praduhledžana aktyvizacyja ŭzajemadziejańnia ŭ finansava‑ekanamičnaj halinie, u śfierach kantrolu nad uzbrajeńniami, miratvorčaj dziejnaści, infarmacyi i presy, kiravańnia pryrodaachoŭnaj dziejnaściu na vajennych abjektach.
Uzajemadziejańnie vajennych viedamstvaŭ dźviuch krain pradoŭžycca ŭ halinach prava i kamplektavańnia vojskaŭ, vykanańnia dvuchbakovaj damoŭlenaści ab dadatkovych mierach davieru i biaśpieki, pahłyblenaha vyvučeńnia moŭ vajennasłužačymi i ŭ inšych śfierach.
U chodzie kansultacyj, što papiaredničali padpisańniu dakumienta, baki adznačyli ŭzajemnuju zacikaŭlenaść u aktyvizacyi ŭzajemaadnosinaŭ u abaronnaj halinie, dynamičnaść i paśladoŭnaść raźvićcia dvuchbakovaha vajennaha supracoŭnictva pamiž Biełaruśsiu i Litvoj.
Adnym z najbolš značnych sumiesnych mierapryjemstvaŭ u 2009 hodzie była nazvana rabočaja sustreča kamandujučych Vajenna‑pavietranymi siłami i vojskami supraćpavietranaj abarony Uzbrojenych sił Biełarusi i Vajenna‑pavietranymi siłami Litvy, jakaja adbyłasia ŭ lipieni ŭ Kaŭnasie. Tady byli dasiahnutyja damoŭlenaści, nakiravanyja na pavyšeńnie efiektyŭnaści dvuchbakovaha ŭzajemadziejańnia ŭ halinie abmienu infarmacyjach ab palotach pavietranych sudnaŭ.
Niekalki dniami raniej byŭ padpisany anałahičny pakt ab vajennym supracoŭnictvie z Polščaj.
Aryštavali pradstaŭnikoŭ kampanii Bayer u Biełarusi15
Kamientary