Sud u Rastovie asudziŭ dvuch ukraincaŭ da 23 i 24 hadoŭ kałonii pa spravie ab zamachu na pryznačanaha Rasijaj namieśnika kiraŭnika Chiersonskaj vobłaści
Paŭdniovy akruhovy vajskovy sud u Rastovie-na-Donie asudziŭ hramadzian Ukrainy Juryja Damančuka i Vitala Skakuna da 23 i 24 hadoŭ kałonii strohaha režymu pavodle abvinavačańnia ŭ zamachu na pryznačanaha Rasijaj «vice-hubiernatara» Chiersonskaj vobłaści Vitala Buluka.
Zhodna z kartkaj spravy na sajcie suda, Skakuna i Damančuka pryznali vinavatymi pa artykułach ab učynieńni terakta, a taksama ŭ niezakonnym abarocie ahniastrelnaj zbroi i vybuchovych rečyvaŭ. Dziaržabvinavačańnie prasiła pryznačyć abodvum pažyćciovaje źniavoleńnie, jak paviedamlaje «Dožd́».
U śniežni 2022 hoda pryznačanyja Rasijaj «ułady» Chiersonskaj vobłaści paviedamili ab padryvie mašyny Buluka ŭ Skadoŭsku, u vyniku jakoha čynoŭnik atrymaŭ askołačnyja ranieńni, a kiroŭca aŭtamabila zahinuŭ.
Pavodle viersii śledstva, Skakun i Damančuk niezakonna nabyli vybuchoŭku i pistalety Makarava ŭ Skadoŭsku. Paśla hetaha pa ŭkazańni SBU jany niekalki miesiacaŭ rychtavali terakt. Pavodle źviestak rasijskich siłavikoŭ, Skakun ustalavaŭ minu kala doma Buluka i pryvioŭ jaje ŭ dziejańnie, kali toj nakiravaŭsia da aŭto.
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary