Biełarusy ŭ Polščy i Litvie vybirajuć, na jakija biełaruskija prajekty addać častku padatkaŭ. Idei roznyja
Viasnoj płatforma «Novaja Biełaruś» zapuściła piłotny prajekt pa ličbavym samakiravańni dla biełarusaŭ u Litvie i Polščy. Voś što pakul atrymałasia.
U čym sutnaść prajekta? Biełarusy, što žyvuć u Polščy i Litvie, mohuć sami zapoŭnić padatkovuju dekłaracyju i fundavać peŭny pracent svaich padatkaŭ na dabračynnaść — 1,5% u Polščy i 1,2% u Litvie.
Heta prykładna 20—30 jeŭra pavodle siaredniaha zarobku ŭ hetych krainach.
«Novaja Biełaruś» prapanavała ludziam vybrać, kudy skiravać hetyja hrošy.
Papiarednija dva tydni ŭdzielniki prapanoŭvali svaje idei. 29 červienia prajšoŭ adbor samych rejtynhavych idej i startavała ich abmierkavańnie. Voś jakija idei pieramahli ŭ vyniku adboru.
U «polskaj» supołcy:
- danat pałku Kalinoŭskaha,
- padtrymka siemjaŭ zahinułych biełaruskich vajaroŭ z pałka Kastusia Kalinoŭskaha,
- biełaruskaja hulnia z histaryčnym / adukacyjnym uchiłam,
- biełaruskaja płatforma kaapieratyŭnych hulniaŭ,
- servis prodažu kvitkoŭ na płatformie «Novaja Biełaruś»,
- anhłamoŭny partał pra sapraŭdnuju historyju Biełarusi,
- ahulny pamočnik dla biełarusaŭ u emihracyi,
- ziamla dla novaj Biełarusi (tak-tak, adzin udzielnik ci ŭdzielnica prapanavaŭ/ła kupić dzialanku ziamli dla biełarusaŭ).
U «litoŭskaj» supołcy:
- ličbavaja biełaruskaja škoła,
- biblijateka ź biełaruskaj litaraturaj u Litvie.
Na hety momant biudžet prajekta — 8265 jeŭra: 6350 jeŭra sabrali ŭ Polščy i 1915 jeŭra ŭ Litvie. U piłotnym prajekcie ŭdzielničaje 241 biełarus (143 u Polščy i 98 u Litvie), ale ludzi praciahvajuć dałučacca praz uniosak.
Hetyja dva tydni budzie iści abmierkavańnie vybranych idej, a paśla na finalnym hałasavańni vyznačać pieramožcaŭ.
Nazirać za chodam prajekta — bačyć idei, vyniki hałasavańnia i čytać naviny ŭ supołkach — mohuć usie aŭtaryzavanyja karystalniki płatformy «Novaja Biełaruś». Ale ŭpłyvać na rašeńni mohuć vyklučna ŭdzielniki supołak. Usie achvotnyja mohuć dałučycca da piłotnaha prajekta na lubym jaho etapie za ŭniosak ad 35 jeŭra.
«Heta mahčymaść papraktykavacca ŭ pryniaćci sumiesnych rašeńniaŭ na pryncypach demakratyi, uśviadomić svaju subjektnaść, adčuć, jak heta, kali tvoj hołas realna ŭličvajecca, a tvaje idei dapamahajuć vyrašać prablemy. A «Novaja Biełaruś» pratestuje novy funkcyjanał, jaki kamanda raspracavała admysłova dla hetaha prajekta. Heta dazvolić zrazumieć jaho mocnyja i słabyja baki, kab udaskanalić i potym maštabavać prajekt», — tłumačyć kamanda «Novaj Biełarusi» ideju prajekta.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?7
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna1919
Kamientary
Davajcie adpačynak dla Cichanoŭskaj