Twitter pahražaje kampanii Meta sudom za jaje novuju sacsietku Threads
«Kankurencyja — heta dobra, ale padman — nie», — napisaŭ uładalnik Twitter Iłan Mask u svajoj sacsietcy.
Kampanija Twitter pryhraziła sudom kampanii Meta, jakaja vałodaje fejsbukam i instahramam. Nahoda — novaja sacsietka Threads, jakaja davoli padobnaja da Twitter.
Jak paviedamiła ŭ čaćvier viečaram vydańnie Semafor, juryst Twitter Aleks Śpira ŭ sieradu pasłaŭ kiraŭniku Meta Marku Cukierbierhu aficyjny list, u jakim abvinavaciŭ Meta ŭ «sistematyčnym, złamysnym i niezakonnym prysvajeńni kamiercyjnych tajamnic i inšaj intelektualnaj ułasnaści kampanii Twitter» pry stvareńni sietki Threads.
«Kankurencyja — heta dobra, ale padman — nie», — napisaŭ uładalnik Twitter Iłan Mask u svajoj sacsietcy.
Prahrama sacsietki Threads była zapuščanaja ŭ siaredzinie hetaha tydnia, i ŭ joj zarehistravałasia ŭžo kala 30 młn čałaviek. Kiraŭnictva Meta pieršapačatkova zajaŭlała, što hetaja sietka budzie alternatyvaj Twitter.
Sacsietka Threads davoli padobnaja da Twitter i vonkava, i pa funkcyjanale.
Aleks Śpira ŭ svaim liście, u pryvatnaści, abvinavačvaje Meta ŭ tym, što kampanija naniała dziasiatki byłych supracoŭnikaŭ Twitter, jakija da hetaha času majuć dostup da sakretaŭ kampanii i jakija dapamahli skapijavać hetuju sacsietku.
Juryst Twitter patrabuje, kab Meta nieadkładna spyniła karystacca hetymi sakretami i pahražaje sudom.
Pres-sakratar Threads Endzi Stoŭn napisaŭ u hetaj ža sietcy, što na samaj spravie ŭ techničnaj kamandzie Threads niama nivodnaha byłoha rabotnika Twitter.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary