Śpiecyjalny samalot urada Čechii z prezidentam Ukrainy Uładzimiram Zialenskim pryziamliŭsia ŭ pražskim aeraporcie ŭ čaćvier viečaram. Jaho supravadžali dva źniščalniki Gripen.
Paśla pryziamleńnia Zialenski adpraviŭsia ŭ Pražski hrad — rezidencyju prezidenta Čechii, dzie jon mieŭsia pravieści pieramovy z prezidentam Petram Pavełam, a taksama premjeram i śpikierami češskaha parłamienta.
Heta pieršy vizit prezidenta Ukrainy ŭ Čechiju z pačatku poŭnamaštabnaha rasijskaha ŭvarvańnia i pieršy asabista dla Zialenskaha.
«Vizit ukrainskaha prezidenta maje na mecie vykazać padziaku za padtrymku, jakuju Češskaja Respublika akazvaje Ukrainie z pačatku rasijskaj ahresii, i zapeŭnić, što hetaja padtrymka budzie praciahvacca», — paviedamili ŭ kancylaryi prezidenta Čechii.
Čakajecca, što na sustrečy tet-a-tet prezidenty Ukrainy i Čechii skaardynujuć svaje pazicyi napiaredadni samitu NATO ŭ Vilni, dzie buduć abmiarkoŭvacca ŭ tym liku harantyi biaśpieki dla Ukrainy.
Nahadajem, pierad hetym u čaćvier Uładzimir Zialenski byŭ ź vizitam u Bałharyi. Lidary abiedźviuch krain padpisali supolnuju dekłaracyju, jakaja stała 22-m dakumientam, u jakim havorycca ab padtrymcy siabroŭstva Ukrainy ŭ NATO.
Taksama, pavodle źviestak miedyja, Zialenski napiaredadni samitu NATO ŭ Vilni naviedaje Turcyju dla sustrečy z prezidentam Redžepam Taipam Erdahanam, piša «Ukrainskaja praŭda».
-
Prapahandysty pościać fota pra «raskošnaje žyćcio» premjerki Estonii pry SSSR. Akazałasia, što zdymak zrobleny ŭ siaredzinie 90-ch
-
Dźmitryj Hardon atrymaŭ 14 hadoŭ kałonii ad rasijskaha suda — u tym liku za zvarot da biełarusaŭ
-
Rasijski vajskoviec płanavaŭ uzarvać budaŭničuju kramu ŭ Paryžy. Ale padarvaŭsia na ŭłasnaj vybuchoŭcy
Pamiatajecie «paśpiachovuju miljanierku» Zareckuju? Vyhladaje, što jaje kampanija — usio25
Pamiatajecie «paśpiachovuju miljanierku» Zareckuju? Vyhladaje, što jaje kampanija — usio
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka3
20 «analitykam Cichanoŭskaj» prysudzili hihanckija zavočnyja terminy. Bolš za ŭsich — Dabravolskamu6
«Samy cymus»: historyk napisaŭ knihu pra toje, jak abaranki skaryli Amieryku, a draniki stali i jaŭrejskaj stravaj 10
Kamientary