Hramadstva2323

U centry Minska prybrali kryž u pamiać pra zakatavanaha nacystami śviatara

Kryž stajaŭ kala kaścioła śviatoha Rocha ŭ pamiać ab katalickim śviatary Vincentu Hadleŭskim, jaki ŭ hady vajny vystupaŭ suprać nacyzmu i byŭ zabity ŭ kancłahiery ŭ Traściancy.

Tak vyhladaŭ kryž. Fota: Catholic.by

Prapahandystka Volha Bondarava paviedamiła, što kryž pamiaci ab katalickim śviatary Vincentu Hadleŭskim źnik ad kaścioła Śviatoha Rocha dziakujučy «namahańniam Kamunistyčnaj partyi Biełarusi». Bondarava nazvała «nacystam» samoha śviatara.

Pavodle infarmacyi «Radyjo Svaboda», kryža ciapier kala kaścioła Śviatoha Rocha niama, jon źbierahajecca ŭ adpaviednym jaho relihijnamu statusu miescy.

Vincent Hadleŭski rodam z-pad Vaŭkavyska, jon byŭ adnym ź pieršych śviataroŭ, jakija pačali pravodzić słužby na biełaruskaj movie. U 20-ja hady minułaha stahodździa ksiandza dvojčy aryštoŭvali polskija ŭłady, jon byŭ abvinavačany ŭ raspaŭsiudzie «revalucyjnaha vučeńnia» i asudžany da dvuch hadoŭ turmy. Znachodziačysia ŭ źniavoleńni, ksiondz napisaŭ adziny ŭ toj čas biełaruski padručnik pa historyi rańniaha chryścijanstva.

U hady vajny Hadleŭski byŭ probaščam Čyrvonaha kaścioła i adzinym va ŭsim horadzie biełaruskim katalickim śviatarom. Vykarystoŭvajučy svajo stanovišča, jon staŭ adnym z arhanizataraŭ biełaruskaha antynacysckaha ruchu i stvaryŭ pa ŭsioj krainie cełuju sietku biełaruskamoŭnych škoł.

24 śniežnia 1942 hoda Hadleŭski byŭ aryštavany prosta ŭ Čyrvonym kaściole, dastaŭleny ŭ hiestapa i padvierhnuty katavańniam biez suda. Zahinuŭ u łahiery śmierci kala vioski Mały Traścianiec.

Tam ža, u Traściancy, u 2008 hodzie byŭ ustalavany kryž u pamiać pra ksiandza. Hetuju akcyju inicyjavaŭ krajaznaviec i navukoviec Anatol Bieły.

Pry ŭparadkavańni terytoryi kryž dastali ź ziamli i pieradali ŭ kaścioł Najśviaciejšaj Trojcy (Śviatoha Rocha) na Załatoj Horcy ŭ Minsku. U 2019 hodzie kryž błasłaviŭ vikarny biskup Minska-Mahiloŭskaj archidyjacezii Juryj Kasabucki.

Kamientary23

  • Jakub
    07.07.2023
    Jak prosta źniščajuć pamiać ab vybitnych ludziach Biełarusi. Iznoŭ kamunisty i niejkaja istota. Biełarusy abasralisia? Pojdziem za kvietkami stajać na łaŭkach?
  • Primitivy
    07.07.2023
    Bolšije somnienija, čto biełorusy jesť svobodolubivyje i hramotnyje ludi.
    V bolšinstvie eto tupoje bydło, kotoroje sohłasno na vsie v obmien na čarku i škvarku.
  • A
    07.07.2023
    Vyradki
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Pad Minskam adbyŭsia mahutny vybuch na hazavym trubapravodzie7

Pad Minskam adbyŭsia mahutny vybuch na hazavym trubapravodzie

Usie naviny →
Usie naviny

Biełaruska aburyłasia koštam lisičak u 55 rubloŭ za kiłahram3

Siaredni zarobak «brudnymi» składaje 911 dalaraŭ4

Adnačasova dźvie avaryi pad Minskam, paciarpieli niekalki čałaviek. Ludzi kažuć pra začaravany ŭčastak trasy

«Pakul nie čuŭ, kab biełarusaŭ departavali». Amierykanski advakat pra mihracyjnuju palityku ZŠA pry Trampie2

Kupałaŭski teatr prapanoŭvaje novuju pasłuhu: ciapier tam možna pabracca šlubam13

Krutoha ajcišnika, jaki viarnuŭsia z Hruzii, asudzili pa čatyroch palityčnych artykułach10

U Amurskaj vobłaści Rasii raźbiŭsia samalot z 49 čałaviekami na borcie

Dva małyja braty atrymali mocnyja apioki pry raspalvańni łaźni

Chodzić lehienda, što Ozi Osbarn adkusiŭ hałavu žyvomu kažanu. A što ž adbyłosia nasamreč?2

bolš čytanych navin
bolš łajkanych navin

Pad Minskam adbyŭsia mahutny vybuch na hazavym trubapravodzie7

Pad Minskam adbyŭsia mahutny vybuch na hazavym trubapravodzie

Hałoŭnaje
Usie naviny →

Zaŭvaha:

 

 

 

 

Zakryć Paviedamić